江美仪爆刘佩玥大食爱睇咸网 唐诗咏：真话唔好讲

刘佩玥（Moon）、江美仪和新剧《隐形战队》监制文伟鸿均为9月星辰，前日开厂景同时，剧组为3人庆生，各自一个生日蛋糕外，还满枱外卖美食。监制笑言这日都是假通告，叫大家回来主要庆祝生日。外卖之馀，寿星的江美仪反而要为想食素水煮鱼的唐诗咏服务，炮制私伙靓汤。剧组不时万岁，但男女演员都要为演出Keep Fit，刘颖镟说每周都有一日Cheat Day；诗咏就话望住食物已好开心；Moon却自言日日都是Cheat Day。

江美仪随即爆Moon料：「佢开工成枱嘢食，好犀利，跟住又上网睇咸网！」随即全场哗然。诗咏代解围：「唔系唔系，系跳出嚟嘅，自己跳出嚟搵佢嘅嗰啲网。」Moon亦自辩：「嗰啲广告弹出嚟嘅，唔关事嘅。」最搞笑是她向美仪姐投诉，诗咏又跟江美仪笑说：「真话唔好讲嘛！」江美仪亦笑谓：「唔好意思，年纪大咗唔记得添！」