独家丨陈凯咏搣走坏习惯踢走负能量 开处女卖飞个唱好多Idea
2021-09-19 22:29 
环球唱片新贵陈凯咏（Jace）唱片大卖，并于上月底在九展Music Zone开只能换飞的免费《PROCESSED音乐会》，为12月11及12日假Star Hall举行的首个售票演唱会进行热身。被指接李幸倪 (Gin Lee)棒成为「环球一姐」，Jace坦言好感动：「呢3年公司上下见证住我成长，对我好有信心，系好神奇嘅事。」采访：方骞平 摄影：叶君海
陈凯咏成绩突出，喺疫市下推出嘅首张大碟《Processing》获白金数字(两万张)销量 ，上月开嘅《PROCESSED音乐会》又叫好叫座，因此12月再下一城移师九展较大场地演出，两场夹埋容纳3千观众。目前Jace先专心宣传新歌《没有无缘无故的恨》，提到处女卖飞Show，佢有好多谂法，例如想唱啲大家未听过嘅歌，或者舞蹈再丰富啲。
绯闻男友在心中
可以举行卖飞Show，Jace既兴奋又紧张：「对我嚟讲系快咗啲，幸福嘅事好突然，我未试过连续两晚开演唱会，心谂『死啦唔知点算好！』最有趣公司同身边人个个都对我有信心，所以我要搣走坏习惯，唔可以再嘥时间嚟否定自己。」除父母、fans成为她推动力外，一啲唔常见，但好有心嘅前辈嚟捧场会令她好安心：「虽然我畀李健宏(KB)玩爆咗个肾，但佢真系好有心，主动提出会买我演唱会飞，叫我留定靓位畀佢！(咁三角恋绯闻男友顾定轩及导演陈健朗呢？）在心中，上次我喺台上见到佢哋好投入咁大叫，都OK嘅。」
最新回应