维港会｜滴惜仔FB吁冲凉悭水咪乱谂嘢 帖文图片「天堂论」惹热议

水务署吉祥物「滴惜仔」经常在社交网站分享悭水心得，呼吁市民节约用水。日前，滴惜仔就在FB专页发文，呼吁市民冲凉期间不应该胡思乱想，要「快快手」以免长开花洒导致浪费食水。然而，网民焦点却纷纷放在其中一幅有关天堂论的帖文上，惹起热议。

帖文指：「阿妈平时成日话我唔谂嘢，梗系啦，冲凉嗰阵先灵感男神上身，一边捽胳肋底，一边思考人生㗎……你哋又会谂啲乜呢？不过谂还谂，长开花洒谂嘢好嘥水㗎，快快手冲完好出返嚟喇！」

滴惜仔又在帖文图片中，举出数个胡思乱想的例子，例如是「我右手写字，左手拎叉，咁到底我系左囿定右囿呢」、「蕃茄同鸡蛋同一时间炒，会变成蕃茄炒蛋定蛋炒蕃茄」、「人死咗会去天堂，咁龟死咗系咪会去海天堂呢」。

其中最后一个例子「人死咗会去天堂，咁龟死咗系咪会去海天堂呢」，在帖文上载后旋即引起热议，就连「Ben Sir」欧阳伟豪都留言表示「呢个掂」，不少网民都纷纷笑指「好地狱，但忍唔住笑咗」、「陆龟去咗海天堂会唔会遇溺死多次」。

另外，不少网民都发表自己的奇思妙想，例如「如果柯栢文买保险，要买车保定人寿」、「做任务嗰阵死咗系咪去任天堂」等等，就连食安中心的吉祥物「食安仔」都特意留言，表示：「我成日谂，柠檬最惊咩水果？冬甩个爸爸又系边个？」