【两大男神同框】45岁王力宏硬撼46岁吴彦祖 颜值难分高下

45歳的王力宏出晒名sell靓仔，不过佢早前留咗成面胡须，虽然有人话似奇洛李维斯（Keanu Reeves) ，但粉丝们就唔多锺意。最近，佢终于剃乾净啲须，之前仲直播剃须过程，青靓白净样返番嚟！氹到班粉丝鬼死咁开心！

今朝王力宏仲上载咗一张同吴彦祖（Daniel)嘅合照，两大男神拍埋一齐，真系好难分高下！46歳嘅Daniel依然咁有型，两个仲齐齐举起V字手势，王力宏仲留言问：「大家想唔想睇我地拍戏？」二人对上一次合作拍电影，已经系10年前嘅《建党伟业》，所以唔少网民都兴奋回答话好期待佢地再合作呀！