本年度荷里活动画开画冠军 《波士BB 2细祖》劲收逾112万元

环球电影《波士BB 2细祖》开画劲收超过$112万港元，成为2021年度荷里活动画开画冠军！

今集继续声演波士BB的BOB（林盛彬）得知好消息后，不停话好开心：「开心系有好成绩，多谢电影公司再搵番我配，重加多个好拍档！更开心系好多人喺我社交平台留言话已买咗飞，睇完再留言同我讲真系好好睇！ 其实《波士BB 2细祖》喺暑假上映，好啱一家大细去睇，小朋友睇得开心，大人都会有所体会。」

而新加盟波士BB大家庭，声演今集新进波士的虾头（杨诗敏）直言：「知道《波士BB 2细祖》成为今年荷里活动画开画票房冠军梗系超开心，开心我哋配音嘅电影吸引到大家入场，喺呢个暑假带到欢乐、刺激、曲折离奇、感动嘅故事！嚟紧会同一个慈善团体（爱在这里慈善协会）包咗场，等身体有缺陷嘅人都享有平等机会，一齐入场欣赏！」