【得奖时一片空白】发表「迟来的感言」炎明熹承诺日后做好每一个表演

16岁的炎明熹（Gigi)在《声梦传奇》决赛当晚，以大热姿态连夺三奖，成为三料冠军。Gigi分享得奖感受时喊到收唔到声，今日Gigi终于在IG上载一篇「迟来的感言」，逐一多谢台前幕后、屋企人同一班粉丝。

Gigi更表示得奖嗰阵个脑一片空白，她说：「首先多谢TVB俾呢三个大奖我，当时我真的一片空白，我想讲攞到奖并唔系我一个人嘅，攞到呢个奖我要多谢一班台前幕后嘅工作人员、导演、形象顾问Janae及她的团队、发型师、化妆师、跳舞老师、Johnny 团队，还有我地既主理人李生、谭生，六位星级导师、森美老师，你哋一直看待我们这班声梦学员好似仔女咁，我喺你哋身上学咗好多唱歌及以外嘅嘢。还有后来加入的张生，一样对我地尽心尽力，能够同到咁多位专业歌手合唱，我真的很难忘。」

佢仲特别多谢音乐总监Johnny老师，为佢编咗好多好歌，又话对方弹琴弹到手指都受伤。之后佢仲多谢14位战友，陪佢一齐成长。当然唔少得音乐老师高晨维，同埋屋企人、粉丝，仲话佢哋嘅支持就系佢继续奋斗嘅动力。最后，Gigi 仲承诺之后会尽力做好每一个表演，用行动来报答观众嘅支持。