【独家】封中岛美嘉做「女神」 Manson拣女友最紧要瘦
2021-04-02 00:58 
Manson（张进翘）参加完《全民造星III》后，最近推出首支新歌《今天我不想做嘢》。他认为参加《造星》就似上了一个人生精读班，令他认清要行音乐创作路线，新歌由他亲自创作，正好反映当时正准备参赛心情。自问不是「男神」的他，「女神」则是日本才女中岛美嘉，连拣女友都受对方影响以瘦行先。撰文：杜淑霞 摄影：谭壹致 化妆：@carmencmakeup_cc 场地：Comfort Soul 共享·舒释
对于参加《造星III》，Manson形容是上了个「人生精读班」，「同咗好多唔同人合作，亦有唔同导师指导，又喺短期内有好密集表演机会，呢啲机会可能要储好多年先得到，𠵱家就有机会畀你磨练，系一次千载难逢经历，而且收集咗好多支持自己嘅人，同埋一班Manliens（粉丝专属名称）。」
想同二汶合作
比赛后，Manson更加清楚要行创作歌手路，「我会keep住创作音乐，无论系busking或者Live骚，用音乐表演都想做，当然都希望拍到电影或者其他表演艺术嘅形式，但重心多啲喺音乐上面。希望年尾可以出到一只EP，会有5、6首歌，自己创作之外，都期待同其他音乐人，譬如同（林）二汶老师合作。」讲到在芸芸创作中拣了《今》做第一首派台歌，因代表了新阶段开始，「我会形容喺农田清空完系一个新阶段自己，呢首系好直接诚实嘅作品，好想分享畀喺努力过程觉得攰嘅人。」原来创作源于电影，「由『莺莺燕燕翠翠红红融融洽洽』呢句大家知系电影《唐伯虎点秋香》入面一句诗开始。」笑他抱住「对穿肠」心态去写，他也认同，「系呀！哈哈！以前写歌会觉得要写啲好有意思嘅嘢，今次好似砌拼图咁慢慢砌出嚟，由我好喜欢嘅电影对白开始出发。」
谈到被封「男神」，Manson就不敢当，但提到「女神」中岛美嘉他即心心眼，「第一次畀佢触动系听《FIND THE WAY》，虽然嗰时听唔到佢意思系乜嘢，但系喺佢声线当中感受到佢嘅力量，好吸引同感动到我，之后开始留意佢嘅作品，跟住佢演戏，改变咗我好多嘅作品《NANA》。」他承认拣对象都要似「女神」，「我锺意瘦嘅女仔都关中岛美嘉事。」
最新回应