还原20年前锡锡老婆庆生照 吴彦祖自嘲头发少咗好多

吴彦祖（Daniel）同Lisa S.结婚11年仍然恩爱，前者近年好关心时事，经常为亚裔发声兼呼吁停止仇恨亚裔，仲试过举行超级跑车街头游行反对仇视，两者有咩关系?引人注意罗。而吴太就不断参加马术比赛，努力将兴趣变为事业。

寻日系吴太的45岁生日，永久男神吴彦祖好识做，同老婆庆祝之馀，又上载20年前同Lisa庆生的锡锡相到IG，更戴住口罩还原当年Pose影多一次。男神留言：「第一张相系20年前嘅今日，喺泰国布吉岛嘅Burger King拍摄，20年后，我哋尝试重影一次，虽然我嘅发量唔及之前，亦都再无帮衬嗰间快餐店。祝我生命中的伴侣生日快乐，爱你！」男神嘅发线的确向上移咗好多，Lisa S.亦多咗好多皱纹，但两公婆可以一齐变老其实好浪漫，生日快乐呀吴太。