同C朗望住靓海睇电视 C朗嫂贴黑白半裸照晒结实靓股

2021-07-20 02:30

因为葡萄牙喺欧国杯神早出局，所以冇波踢嘅C朗（Cristiano Ronaldo）一早就带埋一家六口去西班牙小岛Majorca度假。坐超豪华游艇玩咗一排，晒咗一身超健康肤色的C朗嫂Georgina仲去埋康城影展。

去完康城影展，C朗嫂又返上豪华游艇继续旅程，对自己身材超有自信嘅佢仲搵人影咗张Wide Shot黑白半裸照，可以睇到C朗嫂有个结实靓股，双腿线条亦好靓，成张相意境都几高，C朗影相攞角度都唔错喎，估系佢影咋，唔系仲有边个啫。之后C朗嫂又Po Story，虽然唔见样剩系见脚，但肯定系C朗伉俪，两条友瞓喺床望住个靓海睇电视，唉，好想去旅行呀。