凭电影《一秒拳王》首度获封影帝 周国贤：感谢团队的照顾包容及鼓励

周国贤凭电影《一秒拳王》首度获封影帝！他在香港电影导演会2020年度夺得「最佳男主角」，对于今次得奖，他非常感谢导演会并说：「呢个奖对于我嚟讲，系盛载咗好多重量。喺拍摄到上映期间，我自己身体健康、心灵状态、社会气候都发生咗好多前所未有嘅改变，呢啲改变，令到我同埋我身边嘅人同团队都经历过一啲好难捱嘅时刻。」

难怪周国贤说：「对于我嚟讲，《一秒拳王》唔单止系一部我可以做男主角、所谓『担正』嘅戏，而系好似一个见证人，亲眼睇住嗰段时间系几难撑、几咁唔容易。直到上画之后反应咁好，都好似话紧俾我知，难撑嘅，我哋都会撑得过去，再唔容易嘅困境，你只要肯行落去，都一定会搵到出路！」他又说：「就好似... 我一个写歌佬都可以变大只佬...只要你肯相信同埋坚持，奇迹系会发生嘅，无论面对任何事都好。」

周国贤亦感谢《一秒》团队对他照顾、包容及鼓励，令他在夹band以外的地方，都可以找到很多手足之情：「好多人可能都觉得我系一个音乐人，无啦啦走嚟演戏...好似差错脚咁。但其实私底下我系一个好锺意电影嘅人，平时我就算要持续开工，我每个星期都会抽时间睇一两套戏，而如果我得闲嗰阵，我系绝对可以煲全日剧都唔会拎起支结他弹（笑）。」

最后他坦言要特别多谢导演赵善恒（恒仔）：「一定要多谢导演！太多太多説话好想同佢讲，又好想多谢佢，但同时亦明白，自从我同佢第一晚后（倾剧本），好多嘢都唔使讲太多，佢会明的！再次多谢大家喜欢《一秒拳王》，喜欢周天仁，喜欢香港电影！好多人成日话乐坛已死、香港电影已死，成长过程中，嗰段夹band岁月令我明白『挑机』嘅重要性！越踩，就系会做得越好。因为我哋都有一个共同嘅超能力，香港人嘅超能力就系唔会放弃。」