女友长期公开私生活 C朗凑仔玩千秋𠱁𠱁转绝密照曝光

36岁嘅球星C朗(Cristiano Ronaldo)同超好身材嘅27岁女友Georgina唔经唔觉拍咗5年拖，来自阿根廷嘅索女友本来喺名店做Sales，多得C朗「点灯」由Sales仔变身上流人，IG Followers有2416万人，一家六口住8600尺超级豪华城堡，仲做埋Model，拎住名牌影相放IG就可印印脚收钱。

C朗嫂平日工作除咗凑仔就系晒命，着名牌性感衫同拎住成堆名牌影相放上网，背景唔系屋企就系私人飞机或巨型游艇，女人睇到好葡萄，因为疯狂炫富行为而犯众憎，唓，咁人哋Po你可以唔睇嘅啫。可能睇中C朗嫂锺意晒命嘅行为，Netflix邀请佢拍真人骚纪录片，节目将向观众揭露C朗嫂嘅日常生活，即系睇IG嘅电视版罗。

Po得多性感相可能有啲闷，C朗嫂今次玩温情，Po一家六口去游乐场玩嘅相，难得见到C朗抱住个女玩千秋及同仔女一齐玩𠱁𠱁转，小朋友玩得好开心，啲片冇声但隔住相都Feel到佢哋有几开心，重点系C朗全程都戴口罩，一直知道佢自控能力好强，估唔到中过招嘅C朗对抗疫都冇松懈过。