欧国杯无份踢全家去度假 C朗半裸晒太阳肌肉令立立引死人

欧国杯开战 ，早前于葡萄牙对战匈牙利的赛前访问中，C朗与教练费兰度山度士出席赛前记者会，席上C朗看见枱上摆了两枝赞助商汽水，竟然将汽水拿走，换成一枝清水放在枱面，并说了一句「Agua！」，即水的葡萄文，汽水股价在记招后下跌1.6%，真系多得C朗唔少。

C朗向来注重健康，西班牙的体育报道提过，C朗全身只有7％脂肪，肌肉占了50%，而一般球员有46%，形容C朗的身体年龄可能比23岁男性更年轻。

欧洲国家杯16强，葡萄牙大战比利时。最终比利时守得住，维持上半场赛果赢1：0晋级8强。葡萄牙卫冕失败，36岁C朗拿度16强止步，唔使踢欧国杯咪早啲放假罗。

有钱有假去边都得嘅C朗带埋4个小朋友同女友，一家六口去咗度假，唔知C朗去咗边，只知佢哋去咗有海有草嘅地方晒太阳，C朗半裸享受日光浴，身上嗰六嚿腹肌加成身顶级肌肉真系要一睇再睇无限睇，囡囡由细到大见惯爸爸嘅肌肉，大个搵男朋友要求应该好高。