Anson Lo千字文吐心声 承诺下一次再畀大家睇到不同的一面

ViuTV剧集《大叔的爱》前晚大结局，除了观众留言表示不舍得外，饰演阿牧的Anson Lo当然百感交集，昨晚在IG撰写千字文，一方面分享拍此剧的感受，另一方面亦感谢剧组的信任，他说：「记得初初公司考虑紧我接唔接拍呢部剧嘅时候，我剩系想像都觉得系会有一定嘅压力，因为睇过原剧日版实在有太深刻嘅感受，每一个角色都好独特又岀色，每一个场口都好自然但有趣，每一段关系都好虐心但温暖。自己一开始系好担心演绎唔到日版嘅精神，甚至会糟蹋咗日版，令大家失望。但心里知道呢个系一个好好嘅机会去试炼，去测试一下自己继《男排女将》Bobby一角之后可以做到几多，所以最后同花姐讲『我想拍』。」

在拍摄的日子，Anson Lo不时有一种感觉觉得「Anson Lo」在这个世界彷佛消失了，被好多重寂寞的气围包围住：「好感谢每一位观众支持大叔的爱，支持阿牧[ 哩一个角色。呢三个星期收到好多大家嘅留言，见到大家都好代入每一位角色去分析剧情，你哋会跟住我哋笑、跟住我哋喊。呢三个星期就好似每晚都同大家一齐睇电视咁，大家唔单止会听主题曲同片尾曲，仲会同阿牧一齐听阿牧嘅歌单，一齐去感受阿牧嘅内心世界，好感恩可以同你地每一位有一个咁大嘅bonding。」

Anson Lo亦感谢剧组的信任：「感谢ViuTV令到港版嘅大叔的爱诞生。多谢监制Tommy同导演CK对我嘅信任，两位由头到尾都好相信好鼓励我。好记得拍摄中段我成日问两位我有啲咩要调整，佢哋异口同声答我：『如果你做得唔好我哋一定会同你讲，但首先你要俾多啲信心自己，唔好下下觉得自己一定会做得唔好。』你哋嘅鼓励系俾咗好大嘅勇气我。感激制作组、拍摄组同埋台前幕后所有工作人员成就哩一套剧，冇你地每一位嘅汗水都唔会有依家大家睇到嘅每一个场景、画面。辛苦晒大家」

最后他说：「多谢「阿牧」教咗我好多嘢。好早前我讲过『每个人都需要一个阿牧』，因为佢令我明白日常生活上待人处事可以再多啲企喺人哋角度谂、多啲照顾身边嘅人、佢对爱情嘅执著，同埋提醒我系时候要认真学下煮嘢食， 感激大家对我嘅包容，演戏上有太多地方要学习同努力。希望大家感受到港版大叔的爱嘅认真同埋背后意义，感受到每一个角色嘅投入。Anson Lo会继续努力，因为我知道我真系好享受演戏！希望下一次再畀大家睇到Anson Lo唔同嘅一面！」