《大叔的爱》大结局KK让爱 田田阿牧排除万难啜嘴复合

(利申严重剧透)
ViuTV热爆BL剧《大叔的爱》今晚大结局，一直唔愿面对自己，人哋讲乜就做乜的田一雄自应承跟KK结婚后一直唔多开心，跟梓芊坦承仲好锺意田田的阿牧鼓起勇气发短讯畀阿田相约见面，一收短讯即奔跑出去嘅阿田见到有个阿婆唔舒服，再陪佢去医院，自然错过见面机会。

结婚当日，KK察觉田田冇乜笑容，明白爱情冇得勉强即大方让爱，叫阿田去追返阿牧，镜头一转，今集Keep住奔跑的阿田跑到去大澳，两人互望，阿田一句:「我哋结婚啦」，阿牧即刻眼湿，继而揽实。两人之后齐去台湾发展，失而复得，锡锡场面又点少得。

众角色都有好美满嘅结局，除咗KK同Darren，梓芊有拖拍，男友系P1X3L嘅Phoebus，娟姐当然同平哥，而Francesca就接受Louis求婚，皆大欢喜。