【独家】首次设计游乐场设施 林德信忆童年爱将厨具当乐器

林德信（Alex）最近为「时代广场xBotanic Union《It's Play Time!》创意植物游乐园」担任设计师，设计富有艺术感的游乐场设施给小朋友玩。对于这次经验Alex相当兴奋，亦将儿时最爱将厨具当乐器这灵感加入设计内，令他勾起不少童年回忆，而他最希望透过这次活动，大家能够加深环保意识。撰文：杜淑霞 摄影：张咏森

开心能参与今次创作的Alex，解释灵感源自小时候回忆，「设计系同音乐同埋声音有关，我细细个大概两、三岁度，我妈咪话我好锺意每晚食完饭，就会拉开个柜桶攞晒个镬啲嘢出嚟，跟住就会好似打鼓咁样，所以我呢个installation就系用番我童年个兴趣，再同Botanic Union一齐设计得艺术啲，但系都可以玩到呢个声音嘅效果，系发声嘅艺术品，可以畀啲小朋友喺度玩，同埋最开心同Botanic Union合作，就系可以有多啲绿色嘅原素可以畀啲小朋友一齐接触到，细啲嘅时候畀佢哋快啲接触到大自然。」

加深环保意识


Alex今次由设计到跟团队制作大约花了3个月时间，近两个礼拜他见到制成品初形已好兴奋，今天见到全部制成品他即化身大细路周围玩周围跳，他相信小朋友见到这个设施会跟他一样high，「今次觉得最有意义系专系design for小朋友，𠵱家啲小朋友因为疫情，已经一年成日要收埋喺屋企或者少咗机会出去玩，我会形容呢度系Time Square嘅Oasis，可能你出嚟食饭行吓街，见到一个咁丰富绿色嘅世界，我谂小朋友佢哋会好开心。」



讲到今次活动加入好多环保元素，Alex坦言feel到环保呢个主题近年变得愈来愈主流，「呢样嘢好好，我觉得全世界嘅国家都做紧环保呢件事，其实呢个系我哋责任，系全界所有人嘅事，大家生活习惯可以好啲，希望愈多活动同大牌子，佢哋将环保变成佢哋工作模式或者生意模式，咁就更好啦！」他又好庆幸小时候能够跟大自然好多接触，「我细细个好好彩喺三藩巿住，可能每个weekend我哋road trip，唔系好远揸40分钟已经可以去啲好大嘅树林，细个都接触到大自然嘅环境，喺香港都有嘅，可以出去行山，但系点解巿中心唔可以绿色啲呢？！我几年前去泰国旅行，好多商场好绿色，所以今次呢个活动好有意义，可以将绿色发大啲！」