【独家】Asha拍《大叔》怕同Edan对戏娟姐拣肥仔做对象胜在默契

2021-07-14 23:39

娟姐练美娟和徐㴓乔（Asha）在人气剧集《大叔的爱》分饰「Carman」和「梓芊」，虽然娟姐是处女拍剧，Asha亦只是第二次演戏，但两人演出获网民赞而开心。Asha笑指跟MIRROR成员合作有一定压力，跟Edan对戏（吕爵安）特别辛苦；至于娟姐虽然剧中劲冧「平平」，但现实却宁拣绯闻男友肥仔（梁业）。撰文：杜淑霞摄影：谭壹致化妆：Lauren Lee(Asha)

Asha最初跟人气劲旺的MIRROR合作本来冇压力，围读坐隔离都只当对方是普通演员，但到正式拍被工作人员善意提醒先识担心，「佢哋话『你唔好掂佢哋，好多人望住㗎！你阵间摸错一个位就摆你上网起底』有冇咁严重呀！？我一开头只担心自己表演，原来要担心埋呢啲嘢，我要打Edan，唔通唔打咩！？」讲到跟Edan对手戏，Asha直言：「我望住Edan有啲怪怪地，我锺意『阿田』易过锺意Edan罗！（要忍笑？）佢喺我面前咁近反白眼喎！我系要闭住气咁样做，我一去呕即刻笑，入到厕所就喺度笑，哈哈！真系要忍呀！」

荣幸搏花姐一笑

剧中跟「方梓平」（平平）一段令观众爆笑恋情，娟姐亦拍得好开心，一场「手撕鸡髀」戏更为人津津乐道，不过讲到最难忘反而是她跟绯闻男友肥仔合作戏份，「真系冇谂过花姐真系坐喺面前睇我表演呀！一去到都打咗个突，最有成就感系觉得花姐真系笑我，搏得花姐一笑绝对系荣幸。（喺绯闻男友肥仔面前跳舞有冇尴尬？）梗系冇啦！我都话好彩同佢friend底，如果唔系点搞，嚟紧合作嘅机会大把。（Asha：喺肥仔面前不断加分，呢个女人好正！）加咩分呀！我哋片头舞都系肥仔教㗎啦！（平平同肥仔二拣一？）同肥仔之前合作过做主持，跟住嚟紧都可能再有合作机会，所以默契嘅程度我同肥仔会多啲，如果真系要咁拣咪肥仔罗！（啱唔啱你择偶条件？）我啱啱做完真人骚《阿女又恋嚟》，对爱情有个睇法就系以前畀好多框架自己，想要点样类型，其实讲到尾要同个人沟通相处，所以𠵱家冇话特别喜欢乜嘢类型、外表嘅人，某程度上『Carman姐』同『平平』嘅爱情，都系我向往或者希望嚟紧会系咁样。」