被Anson Lo搞到尴尬潮热　Serrini：佢吸乾晒我啲元气

Serrini昨晚完成《SERRINI "I'M (NOT) FINE, THX.》演唱会尾场后受访，提到与嘉宾Anson Lo（卢瀚霆）大跳贴身舞，她即High爆说：「佢好似欧洲古堡啲吸血鬼，将我个心俘虏，吸乾晒我啲元气，令我唱歌都唔够中气！（为何不敢摸对方？）好尴尬呀！见到佢咁靓仔会怕丑、潮热、又唔知摸唔摸得。不过我都冇后悔，保持社交距离，再见面都唔会尴尬。」

对于来睇骚的林家谦被迫临时上台表演，并要求她「傍水」，Serrini笑指：「同佢只系萤幕朋友嚟，佢已经攞咗免费飞睇骚，好可恶罗。唔会再畀报酬，年轻人要有进步空间。」演出期间她分别向两位观众吻手背及掌掴，Serrini称其实两人都是自己的朋友。

问到下一站是否红馆？Serrini表示：「未有搞Part 3嘅计划，只系想喺屋企一日做两个Spa，好好休息，同埋同一班乐手打边炉。」至于入纸红馆就随缘，她续道：「仲有好多场地想试吓开骚，例如沙滩、泳池，或者喺维港中心起个浮台，我喺趸船上面演唱，仲可以改个Concert名做『巨趸音乐会』！」