【老花评老姜】似外星人唔会变嚣张　花姐深信姜涛只想做个认真表演者

花姐之前接受《头条日报》访问时，曾经讲过姜涛，「佢妈咪管教得佢好好，男仔廿几岁都咁纯。」又话：「佢最想要嘅唔系奖，最想我畀自由度佢做自己锺意嘅音乐。」花姐呢日ig再讲到姜涛，不但爆他私底下爱叫她「老花」，更形容他对演出的高要求似是外星人；又觉得他不会因为一朝得志变嚣张，因他只是想做个「认真的表演者」，虽然花姐平日好少赞姜涛，但睇得出佢系真心欣赏呢个「仔」嘅。

花姐留言全文如下：
「老姜.....佢对我黎讲系一个外星人，一个系我想像以外嘅人。演唱会嘅一年前就已经同我讲『喂！老花，我已经谂到演唱会个item做咩，可唔可以下星期安排排舞」当时我真系咗咀「我连开唔开到演唱会都未知woo』

到演唱会期间，佢不断问我『老花，我知道你而家唔会影响我地自信，但系我想你话我知，我个item好唔好，有咩要改』我有时会同佢讲『放心，你嘅fans一定会锺意』然后佢认真咁同我讲『我想将呢个表演做到最好』

好多人同我讲『你小心姜涛会嚣张』我可以肯定同大家讲『老姜一定唔会」名利对佢一d都唔重要，因为佢个人真系好简单，佢只系想做一个『认真嘅表演者』」