【《大叔的爱》】被Anson Lo吻戏「加料」吓亲 Edan获黄德斌帮手解非礼误会
2021-06-21 23:00 
ViuTV港版《大叔的爱》即将在下周一（28日）首播，黄德斌、吕爵安（Edan）、卢瀚霆（Anson Lo）及徐㴓乔（Asha）等人参与演出，其中有场戏讲述搭巴士的Edan被误会在车上非礼女乘客，获德斌「英雄救美」，他为Edan解围后更揽实对方，大胆又肉紧！
德斌笑言剧情是「巴士奇遇结良缘」，更大爆自己不时坐公共交通工具，相当贴地：「因为太方便，唔使周围搵位泊车嘛！我平时坐车都收埋自己，唔会招惹啲咩误会，即使见人闹交都未必出声。除非去到郁手郁脚，如果唔系都唔会介入人地闹交。」
自嘲好穷的Edan是巴士常客，不时在搭车期间与Anson Lo以短讯倾剧本：「我哋之前真系好惊，因为呢部剧买咗版权，要喺原著同自己风格中搵平衡。可能我哋未够专业，平时都会揽头揽颈咁玩，所以唔会太尴尬。但有时Anson Lo自己加戏，或者拍锡锡戏嗰阵加嘢，吓亲我罗！」
Anson Lo就指因为要投入角色感情，所以不时向Edan献媚：「冇办法啦，识咗咁耐都唔会黐咁埋倾偈，所以帮佢攞饭、攞埋餐具，希望做得细心啲可以搵到份感觉。」Asha就自爆被导演嫌弃有鬼妹仔口音，身为混血儿的她要做地道港女：「导演有日尴尬咁话我有鬼妹仔口音，我答佢『我真系鬼妹仔嚟』！所以开始学咬字，要做个地道香港人！」
關鍵字
最新回应