【提名人造假】「佛祖」港姐不满被玩爆 林作解画:前世见过Kirsten

TVB《2021香港小姐竞选》日前进行复试，林作自称系貎似佛祖及同男艺人罗浩楷撞样嘅东涌Kirsten(霍韵璇)提名人，由于林作曾扬言Kirsten系信心之选，Kirsten冇得留低，林作再出post话：「我决定众筹畀TVB，以赞助形式代表港人恳求加个位畀佢进入决赛。如果每人出100元，我哋1000人就会有10万，1万人嘅，我地会有100万。一百万嘅赞助，我估，佢一定可以喺决赛，带畀我哋最大嘅欢乐。DM我攞众筹link吧。幸福，系要自己争取嘅！」林作讲到言之凿凿，直至昨晚Kirsten忍无可忍，力斥林作只系冒认她提名人嚟「消费」佢，更指林作提供佢嘅个人资料完全系假，她既唔系19岁，最爆系，连中文名都系林作乱咁嗡，她唔系叫霍韵璇！

Kirsten最介意林作喺网上呼吁众筹，话要筹一百万给大会让她进身决赛，绝对系抽她水，提醒大家唔好付款。Kirsten话唔识林作，她嘅真正提名人系陪佢去面试嘅胞兄，而她系香港出身嘅中、菲、西班牙混血儿，今年22岁，体重132磅。

林作透过WhatsApp接受本报访问时坦承之前话系Kirsten提名人，其实系讲笑，他释解说:「毫无恶意，真心支持，现在成就伟业，请问该感谢我还是咒骂我？没有我，有Kirsten吗！」他更继续开吓玩笑说:「我欢迎网友指正，本人从来都系玩得好大嘅，但从来无伤大雅，她只是获得了名气、荣誉、关注、爱戴，毫无损失！我自此宣布：Kirsten荣获《2021年香港小姐竞选》『最受瞩目小姐奖』！」而林作声称，他一分钱都没有收过。

至于林作点解要拣Kirsten嚟「提名」呢？他哈哈大笑说:「因为佢特别亲切，真心有佛气，一见如故，有如见到佛祖般，第一次就觉得前世见过！」问他将对方改中文名做「霍韵璇」的由来？林作大笑道:「我妈妈提名个女仔叫霍颖璇，于是，我取谐音『霍晕船』，佢似系会晕船，即系迷晕反义词...点知，啲人照写『霍韵璇』！」

另一厢，虽然Kirsten无缘进入第二轮港姐面试，但她仍笑晒口透过Lenar Bata名字嘅社交平台拍片答谢大家嘅支持，并感恩喺旅程上有一班粉丝。之后化咗靓妆嘅Kirsten上载另一条自拍片，摆出托下巴及V字Pose，还顺便叫大家留意她的音乐平台，心情大靓。