【独家】唱《我的印度男友》电影主题曲 旨呈认《造星》带挈令机会多形象好
2021-05-27 23:00 
旨呈（邝旨呈）自从去年参加《全民造星III》后知名度大增，他亦承认参赛令自己转变好大，多了很多不同尝试，好似有机会演绎港式Bollywood电影《我的印度男友》主题曲《《印度咖喱因乜呢》，他更想凭歌曲踏上香港金像奖舞台现场演绎。现代美容太子、富二代出身的旨呈，坦承以往会有人戴有色眼镜看他，认为他只为出名，但他相信凭努力终会被认同。撰文：杜淑霞 摄影：谭壹致 场地：R One Space御一空间
今次歌曲由印度制作人写曲，旨呈认为是个好大尝试，「唱完出嚟又好过瘾，加埋导演个MV，如果我早啲参与到，咪喺入面跳埋舞罗！𠵱家好期待，我叫导演尽量令多啲人睇呢套戏，将我哋呢套港式bollywood电影推上金像奖，我就有机会喺舞台上面唱一次live畀大家听。」
有今次机会，旨呈承认绝对跟《造星》有关，更认为节目带给他不少收获，「好想多谢《造星》佢哋，如果冇呢个节目同呢个制作团队，唔会有𠵱家呢个旨呈，呢个节目后，接二连三有唔同嘅综艺机会出现，揸巴士（《学神出没注意》）系强尼搵我，好多谢佢畀呢个机会我，我畀人foul第二日佢就搵我，揸巴士中间就收到ERROR（《ERROR自肥企画》）制作组邀请，成件事好amazing，我有同佢哋一齐计划点样去惩罚。每样嘢都系因为《造星》开始，好感恩呢个节目畀咗咁多嘢我。」
《造星》不单令旨呈有不同尝试，最重要令外界对他开始改观，「始终我嘅身份，如果人哋认识我系一个富二代，你间美容院又曾经有一啲唔同嘅故事，会用一个有色眼镜去睇，呢个人系发紧明星梦，只系想出名，做嘢出位，啲人见到你会笑晒口，但背后其实系取笑紧你，我已经接受咗，知道一直以嚟都有呢样嘢，所以我一直用一个心态去面对，我坚持总之你肯努力，乜都亲力亲为做，终有一日啲人唔系咁样睇你，我发觉呢几十年嚟不停咁样做，慢慢有啲人改变，咁又真系未玩音乐之前嘅旨呈，都真系有一段时间系好食懒飞，或者挂住玩，𠵱家个人醒咗做好自己先，实会有人欣赏。」
最新回应