【找数呀】样衰相成功呃Like过十万 阿Dee型跳Popping版 《行动纲领》

《ERROR自肥企画》播埋呢个星期就完嘞，系咪开始唔舍得呢?继梁业（肥仔）及保锜「找数」献唱主题曲《无制限OT编集团の行动纲领》后，何启华（阿Dee）前日亦在IG上载花絮照片说：「找数大挑战！传说丑样嘅相比较易呃Like，如果呢张相可以喺IG呃到十万like，我就发布『DeeGor版』自肥企画主题曲《无制限OT编集団の行动纲领》 ！」以ERROR今时今日嘅地位，一个Po要过十万Like?轻松啦。用咗一日时间已达标，阿Dee寻晚喺IG Story已预告《ERROR自肥企画》播毕后一分钟即找数，然后冇然后嘞，睇片啦，大叫啦，好型呀阿B。(怕鬼咗你阿Dee昵称叫阿B呀)

阿Dee的找数Po仲有个讯息想带出，「此舞种为#Popping ，如果大家真心想学，不妨用下力上网search，香港有好多好出色嘅#PoppingDancer ，每个人都有自己风格，源自于你学边种基本功为主，学Popping嘅副作用，会能够更加了解自己身体每一个部分嘅机动性，好似我跛嘅又跳得，饮醉亦跳得，掂呀！」