带埋囝囝返洛杉矶生活 乐基儿素颜玩水冇走样

17年，名模乐基儿（Gaile）再婚，下嫁圈外食品大亨男友Ian，19年诞下儿子朱乐其（Hunter）。荣升妈妈后的Gaile份人Open咗，社交网多咗Po囝囝嘢，方便纪录囝囝成长点滴，好事嚟嘅。

五月中，Gaile上载一张喺机场嘅自拍，推住BB车嘅佢留言同大家讲再见，仲话会好挂住香港，隔咗冇耐见佢打咭自己喺洛杉矶，离开香港一身松晒，Gaile即刻去游水又狂晒太阳，见佢抱住囝囝同其它小朋友玩得好开心，仲唔介意素颜样曝光，你就好啦。