【Juicy叮】每日搭的士丈夫拒搬离八乡村屋 独凑两女跨区港妈崩溃宁分居

有全职妈妈在网上讨论区「亲子王国」发文抱怨，一家居住在八乡偏远的村屋，丈夫每日搭的士上班，但就不顾妻子每日带住2名女儿大清早迫车频扑跨区上学，令她心力交瘁，而丈夫都不闻不问，令她决意自行带女儿租楼搬出市区。

这位忙得焦头烂额的妈妈发文指，独自照顾就读小学一年级的大女及就读幼稚园K2的幼女，每天带两女返学，无家人支援。她透露，大女8时上学，6时15分就要叫2个女儿起床，7时15分前要上车否则迟到，因落巴士后行去学校要10分钟。「每日迫巴士返学，巴士经常满座/脱班，有车只有企位，都唔紧要，但成日喺车俾人用唔友善嘅眼光望住，但系我地3个真系无掂到佢哋」。

妈妈接续说，送完大女上学，就要行20分钟送幼女上幼稚园，由于只上2小时课，「即系我要一直喺条街度等细女放学，细女放学系10点半 ，仲有两个几钟家姐先放学，呢段时间一直冇得返屋企，而家天气热更加唔敢买定啲餸，每日就不停喺条街度虚耗光阴，要阿女陪我喺街唔知做咩」。

她之后要在大女放学前买好外卖，「接佢放学后搭车回家，每日返到已经2点，先至开始食午饭，做功课，我先开始做家务，准备晚饭，冲凉，每晚搞到七点几先开饭，小朋友食完饭无几耐已经要上床瞓觉，每日啲家务都要喺亲子时间度剥削」。她透露，学校无校车，而保姆车又不接送到她一家居住的乡村，「一转的士差不多80，到（大埔林村）许愿树已经跳到40几」。

她多次向丈夫反映希望搬出市区居住，但丈夫无动于衷，「有几次更加话佢好享受住村屋，唔想搬」。她抱怨，「每朝早叫佢（丈夫）叫啲小朋友起身，好似攞咗佢条命咁，日日喺度嗌我就嚟迟到啦，跟住自己飞咗出门口，其实佢时间观念真系好差，但系唔知点解要学人住村屋，仲要唔肯搬」。

妈妈上周忍无可忍跟丈夫表明，「你唔肯搬唔紧要，你继续喺度住，我同两个女搬去套房。每日咁样我真系好辛苦，我细女更加辛苦，返8点半，但6点15分就要起身，每日接完家姐放学搭车返嚟，一上车就瞓着咗，要抱落车」。结果丈夫完全不理2个女儿感受，「佢嘅态度系完全觉得个老婆咁样付出系理所当然，又话我唔早啲瞓，但系其实我都好想早啲瞓，但系每晚完成啲家务已经系12点几，第二朝5点45分要起身」。

她于是决定跟2个女儿搬出去市区的套房，「呢段日子我会搭的士出入，我见到细女每日攰到咁，返到黎食饭都无精神，大女好生性帮我拎好多重嘢又孭住书包，好心痛佢哋每日少咗好多时间同佢哋玩」。

不少网民都指责丈夫无责任心、自私自我，「真系唔明，点解会有啲咁衰的老窦同老公，净睇自己」、「好同情你一打二，仲要有个唔识关心自己嘅老公。估计你们住许愿树再过八乡那条路嘅村屋，就算读大埔学校，都劲唔方便，车又疏。你老公仲唔解决住屋问题，婚都有得离。」有人建议，发文者应该为女儿转校，安排在家附近就读。也有网民建议发文者用打算租住套房的钱每日搭的士解决。

帖文转自《抑压到爆煲，情绪失控》