【维港会】见马骝与幼猫共处市民出手「救猫」 有网民质疑干预自然

人类应否介入大自然生态，向来备受争议。有网民在facebook群组「天下猫猫一样猫」上载照片，引述朋友称在一处山坡看到一只马骝怀疑捉走一只幼猫，呼吁「快啲帮手发出去救猫B，刚刚又拖咗入山」。网民争拗之际，结果有人出手救走小猫。

另一位网民今日在群组发文，说「猫B刚从马骝身上已救起 ，大概2-3星期大，士多老板指 原来奶猫已经3日冇食嘢，奶猫被救起时虚弱，唔系好郁，而且出现低温状态」幼猫已经交义工跟进照顾。小猫经检查并无大碍。

网民透露，纯粹「同马骝交流左10分钟，同时给予 海量嘅花生同香蕉 ，系佢努力食紧花生嘅时候，我地再一手系地下捉起猫B，不过要好多谢在场嘅3位行山姨姨 ，喺我地带B逃离现场嘅时候继续帮我哋喂花生」

应否带走幼猫引发网民争议，有网民担心马骝会对幼猫施袭，又担心马骝不懂得照顾小猫，应该要出手，「马骝其实无咁嘅能力去真正养一只猫」。

不过有网民反驳，马骝与幼猫都可以和平共处，马骝可能把幼猫视如己出去照顾。「电视已介绍过，只系死咗子女嘅马骝当猫BB系自己BB，唔系伤害佢哋，大自然界常常有这种事」。

不过不少网民认为是管得太多，应该各安天命、顺其自然。有人指「点解马骝捉猫就好可怜要救，但猫捉雀仔就无人救，雀仔唔可怜咩，呢度太多人选择性慈悲」、「自然法则嘅嘢都硬要去阻止，你今日见到马骝捉猫仔要救，你听日见到嘢狗捉松鼠又救唔救，系大自然，相互捕捉，捕食很正常，好似狮子老虎又成日捉小动物食，阻止佢去饿死佢哋？所以话人类系最XX的存在，不停去破坏自然的生态链」、「人类自大到连动物谂紧咩都知」。

图片转载自「天下猫猫一样猫」