带小猪比去乐园玩兼Staycation　单文柔同陈展鹏影到囡囡谢晒皮

疫情持续1年多，不少人为了一止旅行瘾都会选择Staycation，本月19日才踏入31岁的单文柔（Phoebe）都唔例外，近日同老公陈展鹏及囡囡「小猪比」陈诺瑶，去了迪士尼玩足两日一夜。昨晚，Phoebe于社交网贴出一家三口在乐园玩乐的影片，并写道：「Our first staycation at Disneyland! We had a lot of fun in daytime and a good rest at night. Thanks for having us and filling up our tummies with nice food.（我们在迪士尼Staycation的第一次！我们在日头玩得好开心，晚上都有好好休息。感激邀请我们，并以美食填饱我们的肚仔。）」

片中，两岁的小猪比俾妈咪抱住企喺旋转木马前，一齐揸住支米奇造型灯棒Fing Fing吓，未知是否玩咗成日好攰，小猪比个样劲眼瞓，好似唔知发生咩事咁，但戴住米奇耳仔头箍的Phoebe就笑得好灿烂，睇嚟妈咪玩得仲开心过囡囡；入到小猪比至爱的「小小世界」，坐在展鹏大腿上的小猪比都即刻活泼番，仲同爸爸睇到拍晒手仔。

见展鹏孭住部数码相机，估计今次啲靓相及影片都系由他操刀，平日常以爱女充当模特儿，为对方拍下成长纪录的他，当日应该也替小猪比影了不少写真，搞到Phoebe都忍唔住于IG Story贴出囡囡一脸无奈的照片，并搞笑扮小猪比口脗写道：「你同爹哋影完相未？我坐吓先！」消耗了一日体力，小猪比回到酒店即食碗大白饭充饥，为食的她大啖大啖咁扒，仲食到面珠、手仔都黐晒饭粒，十分可爱！