【独家】赞Kimman Judas系乐坛新希望伍仲衡开骚设致敬环节送Gary

2021-03-15 00:01

伍仲衡两场《搞乜花臣》实体音乐会，邀得黄剑文、罗凯铃演出，他有意设环节音乐人好友Gary致敬。

音乐人伍仲衡（Harry）喺疫境下转危为机，抗疫8个月开咗60几场live show，请嚟80年代至新生代歌手一齐唱歌，其中以参加过《全民造星III》嘅黄剑文(Kimman)及罗凯铃（Judas）资历最浅。不过，Harry大赞两人唱得又作得系乐坛新希望。采访：方骞平摄影：张咏森化妆：Kylah Chan( Judas) 服装：@midwestvintage 美华氏( Judas) 、Rule_crossing.man(Kimman) 发型：Nichol Yip@ Hair (Kimman) 形象：Ian Mak (Kimman)

伍仲衡由网上直播音乐会衍生咗两场《搞乜花臣》实体音乐会，邀得黄剑文、罗凯铃、黎瑞恩、罗敏庄、彭家丽、布志纶、汤宝如、王馨平、黄翊、何嘉莉、何婉盈等演出，届时仲会网上全球直播。

伍仲衡与刚离世的太极乐队成员唐奕聪（Gary）相熟，尤其锺意Gary嘅《怪你过份美丽》，他打算喺音乐会中加入向好友致敬环节。

参加完《造星III》收入冇增长
伍仲衡承认新一代歌手质素参差，不过黄剑文、罗凯铃冇令他呕血：「我哋互相学习，一齐Jam歌。」经常Busking嘅Judas称自己冇乜信心，见到Harry有啲紧张；黄剑文觉得Harry好严厉，最记得11年前首次入录音室试音，Harry提点他唔好扭音，当时真系紧张到爆炸，但喺对方身上学到嘢。提到参加完《造星III》后，两人坦言收入冇乜增长，只系多咗人认识，Judas仲要同人夹份开车仔面店谋生。黄剑文说：「不过，最近我有机会拍吓电影，教友周慧敏教我，喺屋企录低排练过程，睇返对白、演出等会有助改进。」至于Judas参赛后，喺创作、唱功、外形都多咗想法：「我想沉淀一吓，做啲有深度嘅嘢，尤其唱歌会更加注重情感方面。」另外，伍仲衡与刚离世的太极乐队成员唐奕聪（Gary）相熟，尤其锺意Gary嘅《怪你过份美丽》，他打算喺音乐会中加入向好友致敬环节。