星島日報

【獨家】7個人分4枱歎中菜慶功 Dear Jane食羊腩煲如食Buffet

2021-01-28 19:00
Dear Jane早前出席完頒獎禮後跟同事去又一城食點心、羊腩煲等慶功。
Dear Jane早前出席完頒獎禮後跟同事去又一城食點心、羊腩煲等慶功。

疫情下市道唔好,但樂隊Dear Jane(DJ)都仲有好多Job,還於去年底推出專輯《Limerence》,結果橫掃各大樂壇頒獎禮,連YouTube香港的「2020年度十大熱門音樂影片」亦有兩首MV上榜撼贏天團BTS,認真威水!大豐收的DJ早前出席完頒獎禮後跟同事去又一城食點心、羊腩煲等慶功,臨走再嘆番支甜筒,平有平食最緊要開心。採訪:譚壹致

Dear Jane早前出席完頒獎禮後跟同事去又一城食點心、羊腩煲等慶功。
Dear Jane早前出席完頒獎禮後跟同事去又一城食點心、羊腩煲等慶功。
Dear Jane剛攞完獎便與同事到又一城食中菜慶功。
Dear Jane剛攞完獎便與同事到又一城食中菜慶功。

因為限聚令關係,香港人出街食飯只要多個兩個人都要分枱坐,冧莊叱咤樂壇組合金獎的Dear Jane也不例外。日前下午4時許,DJ同3位同事去又一城食Lunch慶功時,4加3係7,當然要「拆夥」分4張枱坐。由於7個人有一個凸咗出嚟,低音結他手Jackal(伍漢邦)好抵得諗,選擇一個人坐,其餘3位成員就各自同1位同事坐;一坐定,結他手Howie(翁厚樑)掛住吹水,主音Tim(黃天翱)和鼓手Nice(黎俊華)兩枱專心揀嘢食,冇嘢做的Jackal就拎住張消毒濕紙巾抹足成分鐘。

眾人因限聚令而分4枱坐,單丁的Jackal係咁𥄫隔離枱。
眾人因限聚令而分4枱坐,單丁的Jackal係咁𥄫隔離枱。
大家似食Buffet咁拎碗去隔離枱夾餸,但Tim仍食得好開心。
大家似食Buffet咁拎碗去隔離枱夾餸,但Tim仍食得好開心。

食完羊腩再食雪糕
最後大家叫咗啲點心、湯麵和一個$496的3人份「藥膳肉骨茶羊腩煲」Share食,食物嚟到分別散落4張枱,搞到7個人好似食Buffet咁,不斷企起身再拎住個碗逐張枱夾餸。睇翻Openrice介紹,呢間餐廳人均消費都係200蚊,慶功嚟講都真係抵到爛!眾人食飽坐到6點禁堂食令前先離開,隨後他們又陪Tim去Häagen-Dazs買雪糕食,Tim接過支甜筒即拉低口罩,一邊食一邊落樓離開。

一班人陪Tim去買甜筒,Tim亦識做請同事食雪糕。
一班人陪Tim去買甜筒,Tim亦識做請同事食雪糕。
Tim邊行邊拉低口罩食雪糕。
Tim邊行邊拉低口罩食雪糕。
Dear Jane月初冧莊奪叱咤樂壇組合金獎。
Dear Jane月初冧莊奪叱咤樂壇組合金獎。
Dear Jane在疫市下仍接到不少活動及廣告。
Dear Jane在疫市下仍接到不少活動及廣告。

最新回應

關鍵字

相關新聞

熱門文章