星岛日报

Solo MV齐上YouTube热门 Edan难忘喊位 肥仔自称唐僧肉畀女围

2021-01-28 14:30
MIRROR成员Edan(吕爵安)与ERROR队长肥仔(梁业)昨日一同单飞出道。
MIRROR成员Edan(吕爵安)与ERROR队长肥仔(梁业)昨日一同单飞出道。

继姜涛、Ian(陈卓贤)、Anson Kong(江𤒹生)、Anson Lo(卢瀚霆)、Jer(柳应廷)先后推出Solo大获好评后,MIRROR的Edan(吕爵安)与ERROR队长肥仔(梁业)亦在昨日单飞出道。二人日前分别为新歌拍摄MV,Edan变返学生跟林家熙(Locker)、谭旻萱(Mandy)大玩三角恋,够晒青涩;另一边厢,肥仔收起搞笑形象,以多个「型男」Look上阵,各具特色!


两个MV已于昨晚8时在YouTube正式公开,Edan新歌《E先生连环不幸事件》观看次数已超过13万,打入热门影片第8位;至于肥仔的《Lady Killa》亦有超过5万次浏览,热门影片排行第14位。成绩唔错,两位睇嚟可以放下心头大石嘞!

MIRROR成员Edan(吕爵安)与ERROR队长肥仔(梁业)昨日一同单飞出道。
MIRROR成员Edan(吕爵安)与ERROR队长肥仔(梁业)昨日一同单飞出道。
Edan在MV化身学生,跟林家熙(Locker)、谭旻萱(Mandy)大玩三角恋。
Edan在MV化身学生,跟林家熙(Locker)、谭旻萱(Mandy)大玩三角恋。

Edan的新歌《E先生连环不幸事件》讲述三位好朋友之间的「三角恋」故事,填词人黄伟文(Wyman)更为Edan度身订造,将他「黑仔」的特质配入歌词。而Edan亦在MV出动私伙钢琴大晒琴技,又特别返母校可风中学取景,难怪他表示新歌别具纪念价值:「感觉好特别,近几年都冇返过母校,熟悉嘅环境更容易入戏。」中学时期热衷参与课外活动的Edan笑言是风头趸:「实不相瞒,中学时我都被称为『男神』,低年级嘅女同学好多时会崇拜师兄,搵佢哋影合照。」


当中一场「摊牌」戏,三位主角更要情感大爆发,Edan表示:「呢场戏系最难忘,因为喊戏对我嚟讲难度极高。我本身唔易喊,好彩两位对手表现好好,我都畀佢哋嘅情绪感染。」Edan坦言首次单飞心情紧张,咁有否向MIRROR的兄弟取经?他拧头说:「冇刻意取经,大家风格唔同,各有歌路,不过好彩有佢哋之前做咗个榜样畀我睇,等我知道应该点样做。」

Edan特意返母校可风中学取景。
Edan特意返母校可风中学取景。
三人着起校服,为MV带来青春气息。
三人着起校服,为MV带来青春气息。

同日推出新歌《Lady Killa》的肥仔,邀请到模特儿关雅芳(Vagary)做女主角之外,更出动半百工作人员及10多位舞蹈员拍MV。为配合MV风靡万千少女的主题,肥仔Chok爆以多个型男造型上阵。首度单飞出歌的肥仔大叫紧张,他不仅花了近两个月筹备MV,更刻意减肥上阵,又碌尽人情卡搵朋友帮手:「MV入面自己好似一块唐僧肉,有好多女仔围绕身边,基本上已经拍尽人生所有膊头。」畀女围可有艳福感觉?肥仔小心表示:「唔敢讲,因为全部都系识咗好耐嘅朋友。」


肥仔早前拍《男排女将》成功向邓丽欣(Stephy)「抄牌」,为何不邀请对方做MV女主角?他表示自己太怕丑:「都有谂过搵Stephy,但自己太怕丑,最后都系唔敢搵佢。其实女主角都筛选咗好几个,最想搵欣宜,因为佢跳得、出嚟好有霸气,有Queen嘅感觉,可惜时间配合唔到。」肥仔又透露,收到花姐通知可以单飞时非常开心,并感谢许廷铿给予意见:「我唔系识好多音乐人,好多谢许廷铿介绍音乐人畀我,又畀咗好多意见令我可以促成今次呢首歌。佢听完话首歌OK,我信心都增强咗唔少。」

MV的钢琴是Edan私伙,他更大晒精湛琴技。
MV的钢琴是Edan私伙,他更大晒精湛琴技。
Edan认为三人的天台摊牌戏系最难忘。
Edan认为三人的天台摊牌戏系最难忘。
唔易喊的Edan,拍MV时都被拍档情绪感染。
唔易喊的Edan,拍MV时都被拍档情绪感染。
肥仔邀请到模特儿关雅芳(Vagary)做MV女主角。
肥仔邀请到模特儿关雅芳(Vagary)做MV女主角。
肥仔在MV有不少跳舞场面。
肥仔在MV有不少跳舞场面。
歌曲讲肥仔风靡万千少女,最后当然臣服到女神。
歌曲讲肥仔风靡万千少女,最后当然臣服到女神。
肥仔在MV中不停畀女围。
肥仔在MV中不停畀女围。
肥仔为单飞已碌尽人情卡。
肥仔为单飞已碌尽人情卡。
肥仔早前拍《男排女将》成功向邓丽欣(Stephy)抄牌,不过就怕丑唔敢搵对方做MV女主角。
肥仔早前拍《男排女将》成功向邓丽欣(Stephy)抄牌,不过就怕丑唔敢搵对方做MV女主角。
Edan《E先生连环不幸事件》观看次数超过13万,热门影片第8位。
Edan《E先生连环不幸事件》观看次数超过13万,热门影片第8位。
肥仔《Lady Killa》浏览人次超过5万,热门影片第14位。
肥仔《Lady Killa》浏览人次超过5万,热门影片第14位。

最新回应

關鍵字

相關新聞

热门文章