生日黐住妹妹扮可爱 Edan@MIRROR被闹呕心惨被嫌弃
2021-01-22 16:40 
昨日是男子组合MIRROR成员吕爵安（Edan）的24岁生日，一向系「妹控」的Edan在IG分享与妹妹的合照，相中两人都戴咗帽，Edan嗰顶仲要系好可爱嘅啡色熊仔帽连颈巾，妹妹指自己戴帽系因为头发有啲乱，但Edan戴帽就系扮可爱，两兄妹嘅互动好搞笑。
Edan同妹妹一向好感情，IG就有大量兄妹合照。Edan表示不知不觉间从廿头变咗廿中，希望日后继续努力，做好自己，不要辜负身边爱锡自己的人。Edan又说：「亦希望小如猪唔好嫌弃啊哥，继续俾阿哥黐住(啱啱即刻话我好呕心）。」妹妹亦有在IG撰文祝贺哥哥，指自己今年见证Edan成长，为做好演出不断练习，又表示很期待Edan即将推出的新歌。两兄妹嘅字里行间都充满爱，令人羡慕。
网民都有留言祝Edan生日快乐，亦有网民笑Edan经常烦住妹妹：「你由十几岁讲到24岁都话希望小如继续比阿哥黐住」、「妹妹有男朋友既话点算」。
關鍵字
最新回应