【韩星齐玩雪】防弹RM同雪鸭组「DTS」 Jennie 瑟琪雪中兴奋弹弹跳

2021-01-07 16:00
韩国近日天气寒冷,一班韩星趁溶雪之前玩餐饱。
韩国近日天气寒冷,一班韩星趁溶雪之前玩餐饱。

韩国近日天气寒冷,今日首尔的最低气温更只得零下19度,冻到打冷震之馀仲要落大雪!虽然香港冇机会见到落雪景象,疫情下亦冇办法出国感受落雪,不过睇住一班韩星玩雪玩得咁开心,惟有睇咗当去咗啦。

韩国近日天气寒冷,一班韩星趁溶雪之前玩餐饱。
韩国近日天气寒冷,一班韩星趁溶雪之前玩餐饱。
防弹少年团队长RM用工具整咗7只鸭仔。
防弹少年团队长RM用工具整咗7只鸭仔。

RM@防弹少年团
防弹少年团队长RM虽然冇Post出自己嘅相同片,不过一啲都唔输蚀,佢用雪整咗7只工整嘅鸭仔,再一字排开。RM更留言指鸭仔们系「DTS」,即系鸭仔版嘅防弹少年团,连玩雪都惯住一班队友,呢位队长真系好Warm呀。

Jessica
少女时代出身嘅Solo歌手Jessica Post出身处瑞士嘅旧相,蓝天白云加埋雪山景真系无敌。Jessica搞笑表示好挂住《魔雪奇缘》嘅雪人Olaf,更在限时动态用一张Olaf嘅GIF图就话对方「嚟咗」,有睇完相当自己去咗旅行嘅Feel喎。

Jennie@BLACKPINK
BLACKPINK嘅Jennie喺一片好厚嘅雪地上影相,头顶有飘雪好浪漫,唔知佢系咪搵到隐世雪地呢,竟然只得Jennie留下嘅几个足印!平时喺舞台上够晒霸气同Cool嘅Jennie,见到落雪都开心到弹吓弹吓,反差够晒可爱。

鸭仔们一字排开,好有队形。
鸭仔们一字排开,好有队形。
7只鸭仔名为「DTS」,系防弹少年团(BTS)鸭仔版。
7只鸭仔名为「DTS」,系防弹少年团(BTS)鸭仔版。

瑟琪@Red Velvet
同舞台上好大反差嘅仲有Red Velvet嘅瑟琪,佢都忍唔住喺雪地弹吓弹吓,仲开心到转咗个圈,除此之外佢仲影到一张雪花大大片飞落嚟嘅靓相。贴心嘅瑟琪更留言提醒大家小心雪地,人靓心更靓。

姜丹尼尔
限定男团Wanna One出身嘅Solo歌手姜丹尼尔就拍咗个小小嘅Vlog。佢先表示外面落大雪,镜头一转姜丹尼尔已经换好御寒衣物,亲身上阵话要教大家整雪天使喎!原来大字形瞓喺地下再不断郁动手脚就可以整到,Cute到呢。

辉人@MAMAMOO
唔知韩国系咪除咗堆雪人都流行堆雪鸭呢,无独有偶MAMAMOO嘅辉人都整咗好多鸭仔,仲排满一整条栏杆!鸭仔嘅Size十分迷你,只有手心咁大,成功将所有鸭仔放上栏杆之后,辉人同朋友开心到系咁欢呼,好搞笑。

Jessica发布身处瑞士嘅旧相,有蓝天白云加埋雪山景。
Jessica发布身处瑞士嘅旧相,有蓝天白云加埋雪山景。
Jessica在限时动态用一张《魔雪奇缘》雪人Olaf嘅GIF图就话对方「嚟咗」。
Jessica在限时动态用一张《魔雪奇缘》雪人Olaf嘅GIF图就话对方「嚟咗」。
女团BLACKPINK成员Jennie见到落雪开心到弹吓弹吓,好反差。
女团BLACKPINK成员Jennie见到落雪开心到弹吓弹吓,好反差。
女团Red Velvet成员瑟琪Chok住同雪影相。
女团Red Velvet成员瑟琪Chok住同雪影相。
姜丹尼尔教粉丝整雪天使。
姜丹尼尔教粉丝整雪天使。
姜丹尼尔人型天使!
姜丹尼尔人型天使!
女团MAMAMOO成员辉人都系整鸭仔。
女团MAMAMOO成员辉人都系整鸭仔。
鸭仔嘅Size十分迷你,只有手心咁大。
鸭仔嘅Size十分迷你,只有手心咁大。
辉人将鸭仔排满栏杆。
辉人将鸭仔排满栏杆。
RM同辉人都有用呢款鸭仔模工具整雪鸭㗎。
RM同辉人都有用呢款鸭仔模工具整雪鸭㗎。
關鍵字

最新回应

關鍵字

热门文章