【独家】睇好嘉欣攞视后赖慰玲拎女配 黎耀祥期待四夺视帝

2021-01-08 00:15
黎耀祥凭《杀手》「阎武」再角逐视帝,赖慰玲力撑祥仔四夺视帝。
黎耀祥凭《杀手》「阎武」再角逐视帝,赖慰玲力撑祥仔四夺视帝。

拍剧34年嘅黎耀祥眼光独到,去年喺台庆颁奖礼前夕接受《头条日报》访问时,贴中晒视帝马国明及视后惠英红,今年他凭《杀手》「阎武」再角逐视帝,问到第四次封帝成数时?祥仔笑说只有五五波,同《踩过界II》王浩信有得挥!取决系评审同观众口味,他拉票说:「我卖点系除衫同埋拍打戏,畀到小小惊喜观众罗!」采访:方骞平 摄影:张咏森


黎耀祥凭《杀手》「阎武」再角逐视帝,赖慰玲力撑祥仔四夺视帝。
黎耀祥凭《杀手》「阎武」再角逐视帝,赖慰玲力撑祥仔四夺视帝。
黎耀祥同赖慰玲拍新剧《拳王》外景,祥仔睇好赖慰玲拎女配,大赞她融入到角色。
黎耀祥同赖慰玲拍新剧《拳王》外景,祥仔睇好赖慰玲拎女配,大赞她融入到角色。

黎耀祥同TVB只系合约演员关系,但落力程度同「亲生仔」冇分别,最近为拍新剧《拳王》一场打擂台戏操到8块腹肌,身形较《杀手》的钢条身形更Fit。日前祥仔跟朱敏瀚及赖慰玲拍一场街景戏,原来赖慰玲好怕祥仔,形容成个行头最惊系佢,感觉佢眼神可以睇穿一个人,赖慰玲笑说:「以前望住佢拍《财神驾到》惊到震,𠵱家叫做招架得住,不过,喺佢身上学会不断求进步。」

祥仔同朱敏瀚拍外景,疫情下大家都注意个人卫生,工作以外保持距离。
祥仔同朱敏瀚拍外景,疫情下大家都注意个人卫生,工作以外保持距离。
祥仔虽然有多年拍戏经验,但一样好用心咪剧本,唔会靠打天才波。
祥仔虽然有多年拍戏经验,但一样好用心咪剧本,唔会靠打天才波。

贴徐荣夺男配
黎耀祥就话睇好赖慰玲凭《反黑路人甲》攞到女配,赖慰玲吓到口震震回应:「有前辈赏识,真系好过攞奖,奖项呢啲预计唔到,平常心。」至于56岁祥哥咁落力拍《杀手》及《拳王》,TVB系咪要畀返个奖嚟鼓励吓?他笑说:「咁又唔使,有咁好剧作,自己都有满足感嘅,当然都恨有奖,因为奖项系个鼓励。事实上我同龚嘉欣喺《杀手》都几突出,嘉欣都好大机会勇夺视后,因为公司入面,唔系有太多女艺人咁搏同埋咁打得。至于王浩信盲侠个角色几得意,而观众会睇埋佢整体拍剧嘅表现,佢喺《反黑路人甲》都唔错。至于男配以徐荣《反黑路人甲》睇高一线,他演得比朱敏瀚放。」

拍《拳王》系咁操练,56岁嘅祥仔仍操到拳手身形,好劲。
拍《拳王》系咁操练,56岁嘅祥仔仍操到拳手身形,好劲。
喺《杀手》中,黎耀祥操到钢条身形,绝对系争视帝嘅卖点。
喺《杀手》中,黎耀祥操到钢条身形,绝对系争视帝嘅卖点。
黎耀祥同龚嘉欣喺《杀手》入面付出唔少血汗。
黎耀祥同龚嘉欣喺《杀手》入面付出唔少血汗。
祥仔凭《大太监》喺9年前第三次攞视帝,同年视后系杨怡。
祥仔凭《大太监》喺9年前第三次攞视帝,同年视后系杨怡。
如果祥仔再夺视帝,就刷新四视帝新纪录,比郭晋安及罗嘉良更威。
如果祥仔再夺视帝,就刷新四视帝新纪录,比郭晋安及罗嘉良更威。
眼光独到黎耀祥去年贴中晒视帝马国明及视后惠英红。
眼光独到黎耀祥去年贴中晒视帝马国明及视后惠英红。
關鍵字

最新回应

關鍵字

相關新聞

热门文章