【独家】破叱咤记录  网民热讨成社会现象 姜涛开心能令港人再留意乐坛

2021-01-07 22:23
姜涛破《叱咤》记录夺奖,令网民热烈讨论成社会现象,他开心能令港人再留意乐坛。
姜涛破《叱咤》记录夺奖,令网民热烈讨论成社会现象,他开心能令港人再留意乐坛。

年仅21岁的姜涛,上周破纪录成为最年轻「叱咤最喜爱男歌手」及「叱咤最喜爱歌曲」双料得主,连日来不单止娱乐圈,就连政界及KOL界纷纷加入讨论,热烈程度拍得住香港乐坛辉煌的8、90年代,更被冠以「姜涛效应」。估唔到自己成为引爆社会热烈讨论导火线的姜涛,接受《头条》访问时再现天然呆搲头样,不过有MIRROR队长Lokman(杨乐文)傍住个心定啲,定神后答得劲得体,「希望因为我,大家更加关注呢个乐坛。」讲到早前中风的姜爸,姜涛开心得奖后爸爸身体好转,不过讲到同爸爸关系,他突然超搞笑大爆父母家事,就知姜B其实仲系个细路仔,大家畀啲时间佢成长啦!撰文:杜淑霞 摄影:谭壹致 服装:initial Fashion

姜涛破《叱咤》记录夺奖,令网民热烈讨论成社会现象,他开心能令港人再留意乐坛。
姜涛破《叱咤》记录夺奖,令网民热烈讨论成社会现象,他开心能令港人再留意乐坛。
姜涛破《叱咤》记录夺奖,令网民热烈讨论成社会现象,他开心能令港人再留意乐坛。
姜涛破《叱咤》记录夺奖,令网民热烈讨论成社会现象,他开心能令港人再留意乐坛。



得奖后过了几日,姜涛承认沉淀一阵终能接受事实,「都觉得唔好再讲自己值唔值得攞,既然攞咗,好似头先队长所讲系鞭策!外界畀你嘅肯定,系令你进步嘅动力。」讲到洗版式讨论,他坦言冇谂过,「有咁多人出嚟去讲,都好开心,其实我一直秉持住无论锺意我哋,或者唔锺意我哋都好,去批评又好,鼓励又好,只要你肯讲令我哋知道就得,我觉得最悲哀系冇人肯去讨论,一个Artist又好,乐坛又好,所以好开心大家讨论,希望大家以后永远都讨论落去。」



不过原来姜涛以为讨论只限于娱乐圈,提到连政界及KOL都加入讨论,转发其「用自己作品保护自己粉丝」的post,更有人拿他与哥哥张国荣相提并论,延伸讨论到8、90年代的香港乐坛,他即时再现得奖时天然呆反应,边搲头边话:「系咩?唔系娱乐圈嘅层面咩!?已经……哗!咁呀!」此时队长Lokman主动出手打救,「佢点解攞得到呢个奖,一定会有佢嘅原因,有啲人攞哥哥嚟同佢比较,就系讲紧时代唔同,呢个大改变大家未必一下接受得到,所以会有咁两极讨论,但当大家讨论时,即系想正视呢个问题系好值得去讨论。」定神后姜涛再补充,「因为我引发呢啲讨论,希望讨论更加关注呢个乐坛。唔敢讲自己有呢个能力去开创(时代),但系我希望我哋呢一班,无论系MIRROR又好,香港以后出现嘅新人都好,希望慢慢去令大家改变睇法。」

姜涛坦承自己能力及实力未符合标准得奖,「不过大家继续讨论我哋MIRROR又好个人又好,知道自己缺点喺边可以改进。」
姜涛坦承自己能力及实力未符合标准得奖,「不过大家继续讨论我哋MIRROR又好个人又好,知道自己缺点喺边可以改进。」
Lokman坦承好替姜涛夺奖开心,更认为就算姜涛被踩对MIRROR都有帮助。
Lokman坦承好替姜涛夺奖开心,更认为就算姜涛被踩对MIRROR都有帮助。


自爆家事劲搞笑


姜涛坦言有留意8、90年代的香港乐坛,仲好肯定话对该年代歌曲「一定熟」,咁叻当然要考吓,于是问他5首当年名曲包括:张国荣《侧面》、陈百强《等》、梅艳芳《赤的疑惑》、罗文《几许风雨》及林子祥《敢爱敢做》的原唱歌手时,他只答啱《等》是陈百强唱,《侧面》要工作人员提水先识讲张国荣。未能顺利过关的他解释:「我识嘅都系四大天王嘅歌。」



讲到MIRROR对姜涛得奖感受,Lokman话大家都超开心,仲案件重演当晚感受,「佢攞第一个嘅时候,系哗!攞第二个嘅系哗!!(姜:我嗰吓好想拉佢哋上台,我觉得自己搞唔掂!)我觉得佢处理唔到得嚟,都处理得好好,佢一开咗个头,唱咗几句(歌)就入咗去,系叻仔嚟嘅!」听完队长赞,姜涛开心话:「系归功于《全民造星》嘅时候,我哋经历过各种唔同嘅舞台。」Lokman认为就算姜涛被踩对MIRROR都有帮助,「我好衰咁讲,好多人喺佢攞奖嘅时候踩佢,啲人都会留意边个系佢,佢系属于乜嘢,都会记得埋我哋。」



姜涛又透露爸爸在他得奖后身体好转,「我攞完奖佢开始好番啲,唔知系咪因为心情好咗,由行唔到,到𠵱家行到路,今日有去照磁力共振,都好番好多。」讲到同爸爸关系,他忽然大爆家事,「细细个好黐阿妈,同爸爸关系一直唔系好close,爸爸妈妈关系都系吵吵闹闹过一世嗰啲,我一直都帮住妈妈闹爸爸,不过到大个知道我阿妈呢个性格的确系比较难搞少少,所以渐渐理解我爸爸,大个咗之后,有倾番好多偈。」入行后他更加会跟姜爸倾心事,但本来想报喜不报忧的他,结果输畀个电话,「无谂过佢哋用电话用得咁叻,当初电话系我教佢哋用,佢哋𠵱家识得自己search facebook 同ig呢啲。」

姜涛先后上台攞「叱咤最喜爱男歌手」及「叱咤最喜爱歌曲」奖项,天然呆表情成热话。
姜涛先后上台攞「叱咤最喜爱男歌手」及「叱咤最喜爱歌曲」奖项,天然呆表情成热话。
宣布得奖后,姜涛被吓窒,反而队友表现更兴奋。
宣布得奖后,姜涛被吓窒,反而队友表现更兴奋。
Lokman在台上代表MIRROR致谢词,他笑言:「终于明白啲人上台攞奖嗰个紧张系有几紧张,因为真系有好多人需要多谢。」
Lokman在台上代表MIRROR致谢词,他笑言:「终于明白啲人上台攞奖嗰个紧张系有几紧张,因为真系有好多人需要多谢。」
MIRROR夺得「叱咤组合—铜奖」,更凭《IGNITED》夺「叱咤十大—第三位」,Lokman说:「上到颁奖台嗰度攞到个铜牌,我哋真系好开心!」
MIRROR夺得「叱咤组合—铜奖」,更凭《IGNITED》夺「叱咤十大—第三位」,Lokman说:「上到颁奖台嗰度攞到个铜牌,我哋真系好开心!」
出道以来,姜涛一直甚少提起任厨师的姜爸,直到他「叱咤」前两日中风入院。
出道以来,姜涛一直甚少提起任厨师的姜爸,直到他「叱咤」前两日中风入院。
姜涛参加《全民造星》以来,姜妈一直好支持乖仔。
姜涛参加《全民造星》以来,姜妈一直好支持乖仔。
18年,姜涛参加《全民造星》夺冠一炮而红,当时只得19岁。
18年,姜涛参加《全民造星》夺冠一炮而红,当时只得19岁。
姜涛的专属粉丝「姜糖」出名锡偶像,今次更成功令他破纪录夺奖。
姜涛的专属粉丝「姜糖」出名锡偶像,今次更成功令他破纪录夺奖。
關鍵字

最新回应

關鍵字

相關新聞

热门文章