来年望开演唱会 冯允谦：仲想贪心啲中六合彩同结婚

冯允谦（Jay）接受TVB娱乐新闻台节目《StarTalk》专访，对成为全港唯一一位歌手在2020年推出两张唱片，Jay说：「自己都估唔到，今年因为疫情好多公司都煞停出歌出碟计画，所以感谢公司仲帮我继续造歌，见年头唱片《Detour》反应好，所以嗱嗱声继续造歌，唔想畀自己停。」
对于今年成绩理想，更被网民推举成为男歌手三甲热门人选，Jay说：「自己冇谂过，从来压力都系来自自己，我知道自己未必系人哋眼中最成功嘅歌手，所以我就要更加努力再做好啲，但我好感恩依家所得到嘅。来年希望可以贪心啲，除咗开到演唱会外，希望仲可以中六合彩同跟女友结婚。」

谈到新碟中的《小康》，Jay说：「呢首歌系讲屋企人，想送畀爸爸妈妈同嫲嫲，多谢佢哋。我写呢首歌嘅时候嫲嫲仲未离开，碟中版本佢未听过，希望佢系上天听到。（同嫲嫲关系如何？） 喺加拿大时，由嫲嫲凑大，我同佢关系好Close，我日日喺厨房嘅饭枱弹结他唱歌畀嫲嫲听，佢成日赞我唱歌好听，仲畀好多鼓励我，所以每次听到呢首歌都触到我心，特别系个结他Solo，听到嘅时候会有好多同嫲嫲嘅回忆出现。」