【独家】【《造星III》决赛花絮】自贴三甲不入一样有压力 Cloud自爆赛前一度爆喊

2020-12-28 19:10

Cloud（云浩影）最终在《全民造星III》夺得第4名，虽然在观众票选得到最高分，观众缘极佳的她，始终三甲不入，相信令一众「迷云党」大跌眼镜，不过大热倒灶的她，维持她一贯佛系性格，对赛果好满足，「今日（26日）好开心，终于分享到自己想做嘅事，例如弹琴，畀大家知道我嘅另一面，好爽！」不过，原来Cloud赛前一样觉得好大压力，搞到有不少负面情绪令她一度爆喊，「第一次有咁大个台表演，好多嘢都未Handle得最好，噚日（25日）先Finalized，所以有啲紧张同压力。比赛前一晚我爆喊，觉得点解咁迟先搞掂晒。」不过乐天又傻更更的她，一觉瞓醒又冇事。采访:杜淑霞、廖思慧

问到三甲是否其心水？Cloud思索了一会，「系呀！私底下我贴咗Ben（赵祥诚）同（陈）苇璇会赢㗎！」至于自己的名次，Cloud就笑笑口回答：「而家呢个位置（第4名）罗！我冇Expect自己入三甲，本身选曲方向到舞台呈现都唔系想争胜，想赢就未必会拣呢首歌嘞！不过我好锺意，好想同大家分享。」完成比赛后，Cloud最想Hea吓，「呢排太攰嘞！（行程）真系密密麻麻，好想有啲放空时间！」果然不负其花名「晕姨」！