【独家】【《造星III》决赛花絮】 彭秀慧送B组女学员过万首饰兼催泪圣诞咭 卡文着陈柏宇不用太内疚
2020-12-28 16:00 
10强止步的卡文（关嘉敏）以及20强止步的Odi（陈康琪）出席《造星III》总决赛坦承好感触，除了觉得不舍，亦表示看到这个大舞台好羡慕，不过经过《造星III》洗礼，更有信心行往后的路。她们又透露彭秀慧导师于总决赛当日送给每个B组学员PANDORA首饰及催泪内容圣诞咭作礼物。另外，卡文提到评判陈柏宇在IG Live透露后悔没投她一票，她认为对比赛没遗憾，着对方不用太内疚。采访：杜淑霞、廖思慧
对于最后一次出席《造星III》节目，Odi觉得开心亦不舍，「眨吓眼就完《造星III》，开心戥10强有个好靓嘅句号，亦系我哋嘅new start。」卡文亦认同是个好靓句号，「我哋上台跳番我哋第一次排嘅《前传》，好似啱啱画咗一个完美嘅句号，开始同最尾都系呢只舞。呢段时间我哋成长得好快，我相信同Odi会更加肯定自己，知道未来努力嘅方向。」
卡文及Odi又透露导师彭秀慧劲有心，向Ｂ组每位学员送上PANDORA首饰兼亲笔圣诞咭，「彭导好好，送咗每个人一份礼物，女仔系一个心有对翼嘅颈鍊，喻意我哋要飞得更远，男仔就系有个串饰加手绳，仲每人手写咗张圣诞咭畀我哋，内容好洋葱㗎！真系好感动！」记者翻查PANDORA官网，得知该名为「密镶心形天使之翼项鍊」盛惠港币799元，B组合共有13个女组员，总数10,387元，彭导相当有心。
讲到20强比赛后，评判陈柏宇开IG live公开表示20强比赛后悔投了陈苇璇，而没投票给卡文，此事令她好开心，「我都入咗佢个live倾，佢都同我讲，我哋两个系好难比较，一个系演绎型，一个系技巧型，所以佢系难评分嘅。但系我喺最尾一round遇到咁强对手，我觉得冇憾，呢个经验系好深刻，自己系拎得最多嘢嗰个，因为我可以对住个最强嘅对手，我遇强愈强嘅心态，我感受到。我都好多谢柏宇，我亦都唔会唔开心，所以佢都唔好咁内疚。」
最新回应