【平安夜】唐唐分享哥哥三十年前私相哥迷形容系最佳圣誔礼物

2020-12-24 16:33

被封为「痴心情场剑」的哥哥(张国荣)「挚爱密友」唐唐(唐鹤德)每逢圣诞节、新年、「401」、「912」都会喺网上「派粮」嚟抚平Fans对哥哥嘅思念，今日系平安夜，唐唐提早送上一张私密相，呢张相系哥哥1990年1月22日告别乐坛演唱会庆功宴上，当时经理人陈淑芬特吔拣咗一张喺个唱上，身穿黑色闪石皮褛，哥哥喺舞台升上嚟演绎《捕风一族》嘅型男背影相，好有心嘅陈太仲制成油画，送畀哥哥作为永久纪念，即场邀请有份出席庆功宴嘅贵宾，好似薛家燕、郑国江、罗启锐、张婉婷、关锦鹏、甄楚倩等喺油画背后签名，相当珍贵。估唔到哥哥离逝17年，油画仍然好好收藏及保存。

唐唐留言说：「找了10年，以为失去了这份很有纪念价值的礼物！分享一下(吓)这份失而复得的喜悦，Merry Christmas n Happy New Year！」唔少歌迷大派心心，多谢唐唐分享私相簿，形容系最佳圣誔礼物。