林溥来贴老婆5个月孕肚照 关宛珊Boxing Day报喜佗男B

关宛珊（Kimmy）于2016年秘嫁林溥来（Patrick Sir），二人于Boxing Day拆礼物的开心日子，齐在社交网贴出多张Kimmy挺孕肚与Patrick Sir半裸合照，宣布佗B喜讯。
Patrick Sir留言：「❄️圣诞快乐！系呀，你冇睇错呀，你睇到嘅呢个天使化身系我老婆Kimmy呀！见到佢个肚多咗啲嘢？嗰个系上天送俾（畀）我哋嘅圣诞礼物嚟㗎，份礼物我哋5个月前已经收到，仲睇住佢越（愈）嚟越（愈）大，而老婆面上嘅笑容就越（愈）嚟越（愈）甜。选择喺呢个普天同庆嘅圣诞节及Boxing Day同大家一齐拆礼物，就系想将我哋呢份喜悦同各位分享，为大家喺疫境中打打气，增添正能量！感谢上天送俾（畀）我哋嘅新生命，亦希望世界从此换上新气象！🌟 老婆，虽然每次问你你都话唔辛苦，但系我都要再讲多次：幸苦你喇！嚟紧你要对住我同Don Don加BB呢个超级男团，你一定要有更多嘅耐性，但系我保证我哋必定努力为你奉上幸福、快乐！☺️❤️」。

Kimmy亦留言：「由我哋拍拖开始就已经存在第三者🐶…而（依）家仲多咗个第四者👶🏻～呢个第四者好乖…喺我哋搬好屋Settle好…喺我完成N3日文呢个目标嘅当日…先俾（畀）我哋知道肚里面住咗个小居民～我哋继续去边都带埋呢两个电灯胆…一家四口开开心心～Happy Boxing Day～」；她又标签了一句「成屋都系男人」，跟老公写的「超级男团」，好明显她怀的是男婴。