【独家】疫下食谷种 模特儿界靠网脱贫 姚琰欣抛胸带货稳袋5位数

疫情下各行各业大受影响，模特儿界当然都唔会例外，36E「巨胸黄智雯」姚琰欣（Bonnie）入行多年又拍戏又出过写真集；前新城DJ靠做灵异节目起家嘅「性感主播」杨颖妍（Icy）；仲有17年代表香港去日本参加「国际旅游小姐」嘅「和风空姐」单颖蘅（Eiko），齐齐劲呻零收入食谷种。不过香港人胜咗识变通，她们转战网购巿场即时脱贫，Bonnie自爆做带货女郎后，keep住5位数收入袋袋平安，总算疫巿杀出条路！撰文：杜淑霞 摄影：张咏森、李维隆 服装：SeaYaa Swim(单颖蘅) 场地：BARBE Bar & Grill(姚琰欣、单颖蘅)

16年推出过写真集《Bonnie First Fantasy》的姚琰欣，本来打算今年再出写真集，仲想到外地取景，但疫情下计划被迫延期。出不成写真集，Bonnie连拍摄工作都大受疫情影响，她最近一次比较多戏份的拍摄工作，已是年头担正演出、翻拍台湾李宗瑞性侵案的电影《有罪》，之后近乎零工作机会，「除了客串咗套剧集，之后都冇乜拍过嘢，所以我密密经营社交媒体，多咗啲KOL工作，多咗人搵我做直播，其实之前都有做，但系可能拍戏多，喺片场唔可以做直播，于是少咗，最近多咗喺屋企同粉丝倾吓偈，又多咗人搵我做直播带货，汉洋仲邀请咗我参加佢搞嘅比赛『我是带货王』，就算赢输唔紧要，但真系学到嘢，学咗好多幕前外嘅带货技巧。」转型做带货女郎，令Bonnie好安心，「每个有5位数字，虽然唔算多，但系好过零收入。」

收入增加6倍


靠新城主持灵异节目《恐布热线》弹起的杨颖妍，近年转战网台主持灵异节目《恐怖一粒钟》，又搞模特儿公司，不过疫情初期收入大不如前。不过自从Icy开了网站后，收入增加了6倍，「𠵱家有6位数字，因为我尝试咩类型嘅货都卖，仲会留意有咩有回头客，发觉瘦身同健康用品最受欢迎，大家一定需要。」为了试验产品效果，Icy自己做埋白老鼠，试用减肥产品仲成功半年内瘦了26磅，「嗰时系零运动，净系用啲减肥产品，𠵱家做番多啲运动想练个蜜桃臀。」原来令她扚起心肝减磅，只因网友一句说话，「上完ViuTV《全民撞鬼》电视，有人留言话我以前好fit，𠵱家吹胀咗，不过我嗰时真系好肥成137磅，𠵱家得番111磅。」



单颖蘅17年以香港区代表身份参加「国际旅游小姐Miss Tourism®️ World 2017」，入行前曾留学日本3年，之后加入空姐行列一做5年。一直有兼职做模特儿的Eiko，今年加入失业大军，转为全职模特儿，可惜遇上疫情唯有加入KOL行列搵食，「𠵱家有做KOL，好多MC工作接咗都要停，6月之后啲工作差不多冇晒。（𠵱家零job捱紧？）系呀，但系都要笑住咁过，好彩之前有做咗5年空姐，都有啲积蓄，𠵱家又冇得飞都有啲寂寞，惯咗每个星期得番两日喺香港嘅。」本身识得流利日文的Eiko，正尝试在KOL工作内，除了介绍美容用品外，加入多些日本原素。