【独家】书展再延期 写真女尽地一煲 刘子仪晒「汤碗胸」求畀Like
2020-12-04 22:54 
「港版林志玲」刘子仪（Kelly）原打算凭34C超立体上围强攻今年书展推出写真集，可惜爆发第四波疫情令书展再度延期至明年7月，Kelly明白健康最重要，趁住大家留家抗疫，她就联同一样原打算今年出写真的34D「翻版林嘉欣」江沁儿及网红「翻版G.E.M.」怡畅 (原名曾上游)齐齐大派福利，送上露出深坑事业线的泳衣写真求注意及畀Like。采访：方骞平 摄影：李维隆
貌似林志玲，拥34C、24、34的刘子仪是美容公司CEO，同时亦系歌手、主持、演员及网红。好多人觉得女人「波大无脑」，但贪靓的Kelly并唔认同：「做女人唔单止要注重外表，仲要有内涵同埋有生活品味，所以识多啲嘢好重要，呢个世界唔一定波大就冇脑嘅，大把波大有脑嘅人啦！」对于被指经常卖性感，她说：「我锺意性感，女仔性感先至靓，但性感同色情唔好摆埋一齐罗。我身形都ok，最大目标同林志玲一样，永远Keep到身材咁好，又靓女又叻女，𠵱家每周去美容中心做3次机，仲会叫员工帮我做埋按摩。」
江沁儿靠直播月入十万
曾经系舞台剧演员，𠵱家做紧直播网红，34D「翻版林嘉欣」江沁儿(Eva) 同样「来势胸胸」，被网民改花名做「大波妹子」(Double May)：「我唔系好锺意呢个名，可能我比同龄女仔大咗少少咁罗！不过都叫有优势，多咗男仔约我出街，话畀钱我使，有啲甚至会留埋啲不雅嘢，但我一定会踢走佢。其实我唔使靠人，疫情下做带货同直播，可以搵到10万蚊一个月，可能玩家成日喺屋企又冇乜娱乐，又唔锺意睇电视，所以肯去课金，所以我可以自给自足。」
怡畅常去饭局好有市场
「翻版G.E.M.」怡畅 (原名曾上游)上围得32B，问到身材会唔会输蚀咗啲？她信心十足话唔怕：「虽然上面就平咗少少，但唔会输蚀，每种身材有自己market，都有人赞过我身形。我觉得自己对眼最吸引，好似识讲嘢咁，所以都去过好多次公子饭局，都系一大班男仔想搵多啲女仔嚟搞吓气氛，食吓饭咁啫，我唔介意对我有兴趣嘅男仔送上包包、名表、送车嚟追求我，因为呢啲系后生女应该享有嘅待遇，加上我自己啲条件都唔差罗，基本我要求男朋友听晒我话，当我女皇咁锡。」
最新回应