【独家】曾迷信摆阵挽留旧爱　32C余逸思历人生低潮睇化晒

从ViuTV选美真人骚《美选D.n.A》出身的27岁余逸思（Yoshi），近年凭32C火辣身材及傻大姐性格弹出，估唔到私下是一个「神婆」，精通风水、八字、奇门遁甲之馀，拍毕《旅巫》后仲学埋灵摆、音乐治疗等，最近更为ViuTV节目《晚吹－就系唔科学》任主持，大谈New age、身心灵、神秘学等。Yoshi忽然研究灵性呢一瓣，原来跟失恋有关，仲因而令她「谂嘢化咗好多」！撰文：黎宝伦　摄影：谭壹致　场地：南瀛水产　鸣谢：Barry@巧松啲

昔日恋爱大过天的余逸思，坦承以往非常执着和依赖，情绪很容易受另一半牵动，但过去两年，经历政治、疫情、甩拖与亲人离世后，开始接触音乐冥想、灵性动物神谕卡等，令她茅塞顿开，「无论遇到咩困难，好同唔好都系帮助我哋成长，系一个课题。我以前都怕死，而家觉得最紧要享受当下，因为社会气氛太紧张，好多人担心将来，又觉得点解返唔到去以前，但其实唔需要返以前，每一刻都可以做一个创新嘅自己。」并谓已学识自私点，多顾自己的感受，「有啲嘢自己唔锺意就会表达、Say no，我嘅宗旨系做一件事千祈唔好伤害人哋，亦唔好委屈自己。」

爱一个上一课
谈到去年失恋，曾找师傅在家摆风水阵，希望旧爱覆自己Message，问现在还会窥探未来吗？Yoshi说：「接触灵性方面后，觉得有时未必需要知得太多，宇宙所有嘢都安排好，知都冇意思，仲好影响思维，所以唔会睇，同呢个人开心咪一齐罗，就算佢Hurt你，都同你上咗堂。（渴望新恋情？）顺其自然啦，我内心都未Ready。」