【第4波疫情】能否如期开骚？雷有辉：大家再忍耐多一阵

太极乐曲主音雷有辉（Patrick）将于本月19至20日举行音乐会，由于第4波疫情来势汹汹，不少乐迷都担心演唱会能否如期举行。Patrick透过录音主动回应乐迷，更多次激励港人，雨后天晴彩虹就会出现。
Patrick说：「大家都知道第4波来势非常之凶狠，连日来都有好多朋友关心我呢个演唱会，能唔能够如期举行。多谢佢哋关心先，我呢个骚能唔能够如期举行都系其次，最紧要都系关心香港人嘅健康。所以喺度都呼吁大家再忍耐多一阵，如果可以的话就尽量在家工作，尽量少啲出去外面活动、聚餐、其他唔同活动。希望忍耐多一阵，希望疫情尽快走下坡，咁就可以过返一啲正常生活。」
Patrick续谓：「好似我哋咁，我哋制作团队同乐队，今日其实都安排咗彩排，不过因为疫情来势汹汹，所以我哋都顺延到下个礼拜，睇睇有无最新消息公布，然后再彩排。大家唔需要担心，万一真系好好彩个骚可以如期举行的话，我哋随时都系作战嘅最佳状态，会喺个台上同大家见面。希望我哋个制作团队同乐队都系非常之专业，大家都喺屋企做定晒功课，我亦会喺屋企练定晒所有歌，随时都可以上台同大家见面。再同大家讲一声，唔好意思，忍耐多一阵，嚟紧个多礼拜应该会有好转。希望快啲雨过天晴，彩虹就好快会出现。」