星岛日报

【独家】爆胡鸿钧主动传短讯旧史 蔡思贝回味《踩过界II》被张振朗锡牙

2020-11-29 22:22
蔡思贝对张振朗及胡鸿钧都好有缘。
蔡思贝对张振朗及胡鸿钧都好有缘。

三年前,蔡思贝凭《踩过界》哨牙「癫姐」一角擸走「最喜爱女角色」成功上位,最近播出嘅《踩过界II》中蔡思贝仍然为王浩信默默付出,又会同张振朗上演激烈牀战。思贝有感而发,表示入行后遇到好多贵人,包括好朋友兼好拍档张振朗,又有她的演戏启蒙老师王浩信,两人互相支持,当然仲有现役「好朋友」胡鸿钧。思贝仲大爆当年胡鸿钧点样主动撩佢,胡生追女仔都几Old School喎。采访:方骞平 摄影:张咏森 发型:kkingleeeeee 化妆:henryli_makeup 服装:iblueshk

蔡思贝对张振朗及胡鸿钧都好有缘。
蔡思贝对张振朗及胡鸿钧都好有缘。
台庆之花

蔡思贝同张曦雯一样系「台庆之花」,有两部台庆剧播出。
台庆之花 蔡思贝同张曦雯一样系「台庆之花」,有两部台庆剧播出。

今年TVB台庆剧《踩过界II》及《使徒行者3》都由蔡思贝同张振朗拍住上,两人在前者中有场饮大咗而发生嘅牀戏,好多身体接触,男方仲会锡女方棚牙,思贝笑言:「振朗好怕丑会面红,我反而叫佢唔使怕,我哋互相信任可以放开怀抱做到好多嘢。」

疯狂赞好张振朗

一提张振朗,蔡思贝讲到停唔到口,「我哋合作过好多套剧集,两个人嘅经历又好相同,会一齐喺演技上成长,好感恩生命中有呢个对手同朋友,特别喺低潮时,佢一直扶持我,系一种好幸福嘅事,如果拍住上夺视帝视后意义更大。」提到拍《踩过界》传过绯闻的王浩信,蔡思贝答得避忌:「浩信系『戏痴』,当年我同振朗演技幼嫩,佢启蒙我哋多啲,所以『三剑侠』个名系咁嚟。浩信教我哋『究竟演戏系乜嘢一回事?』『点样去分析剧本?』同埋『如何做戏先入到观众心呢?」问到近来演技被赞是否跟王浩信有关?她即时否定:「唔系,系历练,喺我生命上所有经历,包括我吸收返嚟嘅所有灵感,身边前辈、拍档互相学习,绝对冇归功一个人,我好好彩,同好多前辈合作过,好似张卫健、林峯、吴启华、陈豪等,尤其同张卫健合作拍《大帅哥》令我拍烂手掌,佢嘅工作态度令我铭记于心,每日Keep住团火唔会放过每场戏。」


保持火花

「三剑侠」王浩信、蔡思贝和张振朗喺《踩过界II》继续有火花。
保持火花 「三剑侠」王浩信、蔡思贝和张振朗喺《踩过界II》继续有火花。
激烈牀战

《踩II》中,癫姐同GoGo有激烈牀戏。
激烈牀战 《踩II》中,癫姐同GoGo有激烈牀戏。

浩信被感动到喊

由被插演技到获赞赏,思贝好开心,更爆王浩信赞她演技成熟咗:「佢话睇返Play Back,好多场戏都令佢感动到喊,即系我成功咗啦!」问到俾老师赞系咪好开心?她即更正:「我从来唔会叫佢做老师喎,佢纯粹启发我演戏,唔好将佢放大啦,佢唔系老我好多啫。」最后讲到「好朋友」胡鸿钧,「我哋系我初担女一嘅剧集《冲线》时经已合作,当时佢系演office boy。」一提「好朋友」思贝即刻好放松仲笑住爆:「我拍电影《陀地驱魔人》时,收过佢message赞我做得好好,因为呢样嘢我特别记得,我哋纯粹系《冲线》碰过头,点解佢无啦啦短讯我?跟住开始有合作,我哋系倾得埋嘅好朋友,佢好支持我,喺唱歌方面我都会问佢意见,佢会教我分析歌词。」再问两人关系,思贝答得熟练,「好朋友罗。」

大胆接触

蔡思贝拍呢场牀戏同张振朗有好多身体接触,前者话后者拍得好怕丑。
大胆接触 蔡思贝拍呢场牀戏同张振朗有好多身体接触,前者话后者拍得好怕丑。
一讲即笑

「出事」后两人反应最好笑。
一讲即笑 「出事」后两人反应最好笑。
风雨同路

《踩II》癫姐依然系盲侠「阿四」,默默守候他身边,风雨同路。
风雨同路 《踩II》癫姐依然系盲侠「阿四」,默默守候他身边,风雨同路。
指导演戏

三年前拍《踩过界》时,王浩信不时教蔡思贝演戏,启发她演技。
指导演戏 三年前拍《踩过界》时,王浩信不时教蔡思贝演戏,启发她演技。
搞笑缘份

同胡鸿钧由「碰头」到交心,两人有段小故事。
搞笑缘份 同胡鸿钧由「碰头」到交心,两人有段小故事。
深感佩服

张卫健对演戏Keep住有团火,令蔡思贝相当佩服。
深感佩服 张卫健对演戏Keep住有团火,令蔡思贝相当佩服。
好姊妹团

同赖慰玲、陈嘉宝、何雁诗、陈滢、吴嘉熙好老友,六人会互相欣赏互相支持,感觉好正。
好姊妹团 同赖慰玲、陈嘉宝、何雁诗、陈滢、吴嘉熙好老友,六人会互相欣赏互相支持,感觉好正。
吹水互撑

演戏生涯中同张振朗合作最多,之前齐拍《机场特警》,两人靠吹水嚟顶眼瞓。
吹水互撑 演戏生涯中同张振朗合作最多,之前齐拍《机场特警》,两人靠吹水嚟顶眼瞓。

最新回应

關鍵字

相關新聞

热门文章