王浩信被8岁囡囡叫Bro 陈豪冇刻意三年抱三：一行埋就有

王浩信、陈豪和郑丹瑞（旦哥）三位「型爸」接受《Tiger's Talk》访问，宣传邵氐剧集《非凡三侠》。王浩信表示女儿现时8岁，父女关系非常好，说：「我哋个世界都仲系一齐，大家会倾心事，我有时拍戏拍咩都会同佢讲。放假时候，我哋会一齐去做运动、睇书、打机，佢学识游水同踩单车都系我亲自教佢。有时佢直情唔小心叫我做Bro（兄弟）。」主持人林盛斌（Bob）羡慕不已，他笑指家中四个小朋友经常错叫他做「妈咪」。陈豪即说：「你都好啦叫妈咪，我啲小朋友叫错我做姐姐，佢哋有时口快快！」

陈豪的三个小朋友分别6岁、5岁和4岁，对于陈豪三年抱三，连Bob都赞厉害。陈豪即时面红说：「唔系刻意，不过一行埋就有…」，他认为论父子和父女间的沟通还早，因大仔才刚刚升上一年班。他说：「佢学紧游水，我哋先经历到佢唔可以再入女厕，变相去完游水要自己识得冲凉，慢慢去学，佢仲系好细个。游水就交畀教练教，读书写字，特别系中文字就我教，冇办法，屋企得我一个识中文，起码学识写自己名。」

面对两位年轻爸爸，旦哥的两个女儿已经快满30岁，他立即向他们抛下震撼弹，说：「我两个女10岁左右，我老婆就慢慢教佢哋饮酒，你预佢哋15、6岁就开始要去兰桂坊玩，咩酒都畀佢试吓，畀佢哋知到底系咩。」他自言是开通爸爸，细女学钢管舞都非常鼓励，直至她表演邀请一家三口捧场。旦哥说：「300几蚊，我哋一家三口去，起初都冇乜事，突然扯开衫裤著T-back加Bra Top，我同老婆吓一跳。完骚就梗系照样话跳得好好睇，Very Good，表面上冇乜嘢，呢种舞系要咁性感先好玩，我当然照畀佢玩，不过之后就唔会再去睇。」他说周日是家庭日，就算细女搬出去住，都会自动自觉返家食饭，还会带同外籍男友回家一齐打麻雀。

问到会否能接受女儿带男友回家的一刻？王浩信唉声叹气说：「我依家就系想维持Bro（兄弟）关系，将来真系拍拖都唔好离我太远，被人hurt完都返嚟话我知，等我开解佢，唔好自己匿埋。由细细个开始建立友谊，可能将来佢去兰桂坊会带埋我呢？」身旁的旦哥不禁冷笑泼冷水。