【独家】女神恨演女汉子简淑儿同男友复合唔急结婚

2020-11-17 19:43

「仙气女神」简淑儿（Jessica），早前在《C9特工》演贴地女神「Laura」，迷倒宅男「DQ」朱敏瀚；最近在《踩过界II》演王浩信靓女徒弟见习大律师「Jasmine」。Jessica直言演女神怕担当不起，近年练到一身肌肉的她，反而想演女汉子。讲到跟圈外男友甩拖一年后复合，31岁的她自言不急于结婚，反而认为现阶段是跟男友努力工作的搏杀期。采访：杜淑霞摄影：李维隆服饰：Dazzle Jewellery

对于再演「女神」，Jessica直言都有点担心未能胜任，更认为相对于「女神」，更适合做女汉子，「都会想试吓啲反差大角色，或者男仔头，型啲，其实我私底下好男仔头，唔系大家谂好娇滴滴，所以有时都想畀大家睇吓，除咗做邻家女孩，我可以做刚强啲烈女都OK嘅。」

近年练得一身肌肉的Jessica，绝对有条件做烈女，她迷上gym更有多重原因，「做gym好大满足感，因工作或感情，唔系付出几多就有几多回报，但做gym系好成正比，摆几多努力同心机就会有几多回报，呢样系我喺人生中可以控制度嘅嘢。」她又自揭还因胞姐肺部曾出问题要动手术，令她更注重健康，「屋企人唔舒服，自己意识到健康有几重要，其实做gym唔系为咗操嗰身肌肉，系想健康，拍剧成日捱夜，对身体唔好，唔使开工就尽量用方法令自己健康啲。」

谈到早前跟分开一年的圈外男友复合，她承认之前男友不明白工作情况，现在努力尝试磨合，「以前嘅我系好唔锺意嗌交，好多嘢都唔系好识得表达，好多嘢会选择忍，而佢系个好直接好简单嘅人，有咩脾气就发，有嘢就讲，变咗以前夹唔到，𠵱家大家学识咗，我讲多啲自己感受，佢就唔好每一件事都睇得咁差，咁样睇吓会唔会再磨合得到。」她又坦言不想身在美国的父母担心她，所以会努力工作再想结婚，「女仔系呢个年纪搏杀，冲得就做多啲。」