星島日報

【獨家】爆胡鴻鈞主動傳短訊舊史 蔡思貝回味《踩過界II》被張振朗錫牙

2020-11-29 22:22
蔡思貝對張振朗及胡鴻鈞都好有緣。
蔡思貝對張振朗及胡鴻鈞都好有緣。

三年前,蔡思貝憑《踩過界》哨牙「癫姐」一角擸走「最喜愛女角色」成功上位,最近播出嘅《踩過界II》中蔡思貝仍然為王浩信默默付出,又會同張振朗上演激烈牀戰。思貝有感而發,表示入行後遇到好多貴人,包括好朋友兼好拍檔張振朗,又有她的演戲啟蒙老師王浩信,兩人互相支持,當然仲有現役「好朋友」胡鴻鈞。思貝仲大爆當年胡鴻鈞點樣主動撩佢,胡生追女仔都幾Old School喎。採訪:方騫平 攝影:張詠森 髮型:kkingleeeeee 化妝:henryli_makeup 服裝:iblueshk

蔡思貝對張振朗及胡鴻鈞都好有緣。
蔡思貝對張振朗及胡鴻鈞都好有緣。
台慶之花

蔡思貝同張曦雯一樣係「台慶之花」,有兩部台慶劇播出。
台慶之花 蔡思貝同張曦雯一樣係「台慶之花」,有兩部台慶劇播出。

今年TVB台慶劇《踩過界II》及《使徒行者3》都由蔡思貝同張振朗拍住上,兩人在前者中有場飲大咗而發生嘅牀戲,好多身體接觸,男方仲會錫女方棚牙,思貝笑言:「振朗好怕醜會面紅,我反而叫佢唔使怕,我哋互相信任可以放開懷抱做到好多嘢。」

瘋狂讚好張振朗

一提張振朗,蔡思貝講到停唔到口,「我哋合作過好多套劇集,兩個人嘅經歷又好相同,會一齊喺演技上成長,好感恩生命中有呢個對手同朋友,特別喺低潮時,佢一直扶持我,係一種好幸福嘅事,如果拍住上奪視帝視后意義更大。」提到拍《踩過界》傳過緋聞的王浩信,蔡思貝答得避忌:「浩信係『戲癡』,當年我同振朗演技幼嫩,佢啟蒙我哋多啲,所以『三劍俠』個名係咁嚟。浩信教我哋『究竟演戲係乜嘢一回事?』『點樣去分析劇本?』同埋『如何做戲先入到觀眾心呢?」問到近來演技被讚是否跟王浩信有關?她即時否定:「唔係,係歷練,喺我生命上所有經歷,包括我吸收返嚟嘅所有靈感,身邊前輩、拍檔互相學習,絕對冇歸功一個人,我好好彩,同好多前輩合作過,好似張衛健、林峯、吳啟華、陳豪等,尤其同張衛健合作拍《大帥哥》令我拍爛手掌,佢嘅工作態度令我銘記於心,每日Keep住團火唔會放過每場戲。」


保持火花

「三劍俠」王浩信、蔡思貝和張振朗喺《踩過界II》繼續有火花。
保持火花 「三劍俠」王浩信、蔡思貝和張振朗喺《踩過界II》繼續有火花。
激烈牀戰

《踩II》中,癲姐同GoGo有激烈牀戲。
激烈牀戰 《踩II》中,癲姐同GoGo有激烈牀戲。

浩信被感動到喊

由被插演技到獲讚賞,思貝好開心,更爆王浩信讚她演技成熟咗:「佢話睇返Play Back,好多場戲都令佢感動到喊,即係我成功咗啦!」問到俾老師讚係咪好開心?她即更正:「我從來唔會叫佢做老師喎,佢純粹啟發我演戲,唔好將佢放大啦,佢唔係老我好多啫。」最後講到「好朋友」胡鴻鈞,「我哋係我初擔女一嘅劇集《衝線》時經已合作,當時佢係演office boy。」一提「好朋友」思貝即刻好放鬆仲笑住爆:「我拍電影《陀地驅魔人》時,收過佢message讚我做得好好,因為呢樣嘢我特別記得,我哋純粹係《衝線》碰過頭,點解佢無啦啦短訊我?跟住開始有合作,我哋係傾得埋嘅好朋友,佢好支持我,喺唱歌方面我都會問佢意見,佢會教我分析歌詞。」再問兩人關係,思貝答得熟練,「好朋友囉。」

大膽接觸

蔡思貝拍呢場牀戲同張振朗有好多身體接觸,前者話後者拍得好怕醜。
大膽接觸 蔡思貝拍呢場牀戲同張振朗有好多身體接觸,前者話後者拍得好怕醜。
一講即笑

「出事」後兩人反應最好笑。
一講即笑 「出事」後兩人反應最好笑。
風雨同路

《踩II》癫姐依然係盲俠「阿四」,默默守候他身邊,風雨同路。
風雨同路 《踩II》癫姐依然係盲俠「阿四」,默默守候他身邊,風雨同路。
指導演戲

三年前拍《踩過界》時,王浩信不時教蔡思貝演戲,啟發她演技。
指導演戲 三年前拍《踩過界》時,王浩信不時教蔡思貝演戲,啟發她演技。
搞笑緣份

同胡鴻鈞由「碰頭」到交心,兩人有段小故事。
搞笑緣份 同胡鴻鈞由「碰頭」到交心,兩人有段小故事。
深感佩服

張衛健對演戲Keep住有團火,令蔡思貝相當佩服。
深感佩服 張衛健對演戲Keep住有團火,令蔡思貝相當佩服。
好姊妹團

同賴慰玲、陳嘉寶、何雁詩、陳瀅、吳嘉熙好老友,六人會互相欣賞互相支持,感覺好正。
好姊妹團 同賴慰玲、陳嘉寶、何雁詩、陳瀅、吳嘉熙好老友,六人會互相欣賞互相支持,感覺好正。
吹水互撐

演戲生涯中同張振朗合作最多,之前齊拍《機場特警》,兩人靠吹水嚟頂眼瞓。
吹水互撐 演戲生涯中同張振朗合作最多,之前齊拍《機場特警》,兩人靠吹水嚟頂眼瞓。

最新回應

關鍵字

相關新聞

熱門文章