【成功埋堆】学会带眼识人 江嘉敏晒千亿女友郭嘉文庆生相
2020-11-18 09:00 
本月4日26岁生日嘅江嘉敏，今年嘅生日愿望扬言系要带眼识人，果然坐言起行，江嘉敏昨晚喺社交网站大晒获李泽楷千亿女友郭嘉文为她庆生相，同场还有有米姊妹邝洁楹和林凯恩，三人喺豪宅内跟她食好西补祝生日，虽然生日聚会迟嚟咗两个星期，但有心都唔怕迟，好姊妹仲设局玩「停电」送上惊喜，认真有心，江嘉敏有班咁高质嘅新朋友，同样被指拜金嘅过气闺密冯盈盈即被out，冇得留低。
相中四女头贴头合照好鬼friend，看来江嘉敏和她们嘅友谊突飞猛进！成功埋堆，捧着蛋糕嘅江嘉敏超开心，笑到四万咁口留言：「谢谢你们突如其来停电惊喜！其实心里极度兴奋的，但是我人还泡在停电一事，脑里在想是不是有人忘交电费了，所以表现得异常冷静。但我想说，我心是不断激烈的跳动！多谢你们几个傻傻的妃子们和小男友。」江嘉敏仲补充特别写道：「次次约亲都有人要早走，次次约亲第二日都系返0600，最真心真意对待身边每一个。」最尾一句又再次掟骨，睇嚟江嘉敏真心嬲喎！
關鍵字
最新回应