【独家】讲雪卵谈生仔 闻陈家乐扮聋　连诗雅讲明「配种」搵靓仔

今年6月，拥40寸长腿、32岁的连诗雅（Shiga）被爆暗挞34岁陈家乐，更被影到去鸭脷洲拖手行Outlet，虽然两人仍以「好朋友」相称，但上周男方出席活动时已松口预告圣诞会约Shiga打机过节。恋情明朗化，又见好友陆续结婚生仔，Shiga同周柏豪接受《头条日报》记者访问时，透露收集了不少造人、陪月及凑仔资讯，更扬言要拣「优良基因」生育下一代，提到眼大鼻高的家乐好适合时，她即扯开话题赞柏豪囡囡好趣致。 撰文：黎宝伦　摄影：李维隆　服装：XPX（PH）、IRO@ THE OUTNET（Shiga）　发型：Sky Wong @ M-Plus 　化妆：Winki Tsang　 场地：Studio King 影楼王

周柏豪与连诗雅于电影《无间行者之生死潜行》饰演一对情侣，片中前者为反黑队要员，其实是黑帮卧底，见事业有运行又跟女友求婚成功即想做「真．警察」，咁「反骨」当然冇好下场！提到戏中不乏打斗及驳火戏份，柏豪坦言拍得好辛苦，要7度低温下落水外，为拍摄一幕跳车翻滚倒地的镜头时，他更意外整伤，「嗰场挞咗4次，跌亲个盆骨，三个礼拜都趷住嚟行、痛住嚟拍，根本冇时间睇医生。（影响生育？）呢个系生女前拍嘅，完全唔关事。」

想生混血B
经历受伤后，计划追B的柏豪表示再拍动作戏会锡身啲，保护自己。在旁的Shiga就甚有研究地「教路」造人方法，「女人可以雪卵，所以跌伤条腰都冇影响，我哋Off Cam再讲，哈哈！（好留意喎！）身边个个都生，唔到我唔留意，连边个陪月好我都知。」追问是否恨生B？她笑言：「讲真都唔知自己生得唔得意，我细个都俾人话丑样。」记者笑指跟绯闻男友陈家乐生的BB实好得意，Shiga即尴尬扯开话题：「柏豪个BB好得意！（为优良基因搵靓仔？）如果系咁我会搵鬼佬，因为混血BB通常眼大鼻高！（咁讲家乐好伤心！）结婚嘅嘢实在太遥远喇，到时会生仔先算啦。」柏豪又插嘴称亚洲人Mix德国人最靓。

演技被批评
由歌手跨足影视圈，演技屡遭批评的柏豪直言会上网睇留言，了解大家对自己的评价，「即使有负面评价，对我嚟讲都未系最坏，至少你会花时间留意我，如果我完全冇价值，你都唔会留言啦，睇吓你想做一个完全冇人理，抑或有人理但有正负评嘅人，我会选择希望有人理罗，其实咩都闹过，我对负评都有抗体，最紧要知道自己做紧乜、问心无愧就OK。」对于被网民嘲鼻哥窿好抢戏，他笑道：「冇乜特别感觉，一笑置之。周柏豪个鼻哥窿喎，感恩我妈赐予畀我。（激发进步？）睇番过往作品再改善自己，鼻哥窿大咪唔好抬咁高个头罗，呢啲全部都系经验嚟。（有压力？）冇乜，做咗呢行都10几年，开始觉得好多嘢可以享受、唔需要睇得咁着紧，反正第二日大家又唔记得。」