【独家】新歌获四台流行榜冠军 陈凯咏成环球新宠仍自卑

环球唱片歌手陈凯咏（Jace）之前派台歌曲《天生二品》成为四台(港台、商台、新城、ViuTV 《Chill Club》) 流行榜冠军歌，成绩非常好。陈凯咏唔敢话自己系公司新宠，只说：「都系咁做，今年系唔容易嘅一年，疫情期间依然有歌出经已好感恩！」采访：方骞平

《天生二品》对陈凯咏来说别具意义，因为是她跟音乐人冯翰铭及Hirsk联手创作嘅作品，并交由锺说填词：「首歌有咁好成绩，得到咁多人喜爱同支持，令到我成个人多咗自信。不过，始终现场演唱机会唔太多，实战经验唔够，技术上仲有好多进步空间。疫症期间都比较多留喺屋企，留待迟啲先补庆祝。」

要增加自信
新歌系讲无论天生特质系点，就算次品都好，只要接受自己天生嘅特质，都会变得好独特：「填词人太了解我，尤其写到『我叫某某，要我更瘦，却怕太似怨咒，眼圈太大，遮遮砒霜，化作正常…天生就别要自卑。』呢啲系畀我同埋听众好好嘅忠告，要畀多啲自信自己。」问她有乜咁自卑？Jace即说：「唔够靓，唔够叻，弹琴冇涂毓麟（Oscar）咁正；作歌冇江海迦(AGA)咁好；唱歌冇李幸倪（Gin Lee）咁好听。」讲完后，Jace又认为咁样比较冇意思。 MV中陈凯咏会弹来弹去听歌冇时停：「呢个画面似系我屋企嘅写照，我会赖床、歌播到好大声、喺睡房度周身扭，不过，有时53岁阿妈会好high咁同我一齐跳，佢教我跳Cha Cha㗎！父母系我Top Fans咁，似我经理人咁，乜都问到好清楚，等我第日叻啲嘅时候，先叫佢哋出嚟分享我嘅舞台。」