「兄妹」十周再合体出歌 糖兄爆糖妹死穴：点解咁耐都冇拖拍
2020-10-12 09:00 
糖兄妹日前作客TVB娱乐新闻台节目《StarTalk》，接受主播许文轩（Edmond）专访，大谈出道十周年及二人合体推出实体专辑感受。糖兄说：「感叹十周年都仲系度，因为要明白𠵱家世界转变得咁快，有啲嘢一、两年已经好似好耐，所以我哋经历到十年真系唔容易。」糖妹说：「我哋有五年时间冇以糖兄妹名义出歌，果段时间大家分开发展，糖兄做幕后音乐，我去咗拍剧同做主持，系多咗人留意自己，不过注意力去晒我演戏同主持嗰度，近年上咗《流行经典50年》又或者自己拍Cover片，大家又好似留意返呢个女仔系好认真唱歌，所以我谂十周年都系时候出返嚟见大家。」
二人于节目亦互爆小秘密，问到糖妹死穴时，糖兄即说：「有好多都唔讲得！点解你咁耐都冇拖拍？」糖妹笑说：「哈哈！唔驶急，我妈咪话再大个啲生仔会好辛苦，我心谂生仔都要谂，未谂到呢Part住。」糖兄直言叫糖妹不用担心，因为科技进步，年纪大都可以生仔。谈到糖兄令糖妹不满的事情时，糖妹说：「佢成日唔记得带证件，点解呢啲事可以试过两次！」糖兄说：「系唔同嘅，因为一次系身份证，另外一次系回乡证，其中一次因为咁而直情去唔到内地工作，自此之后我啲同事同埋我老婆都会提醒我，呢件事我自己都好不满。」
關鍵字
最新回应